|
والله احترت فيكم يا جماعة ان قلت ابشروا بما يرضيكم قلتم في بطني لحمة نية وان قلت انا مظلوم ما صدقتم وهذا ابو سامي يقل ( كيف تتهمنا بأننا اتهمناك .. هذي لها باب وجواب خل المخيم ينصب ويجيك علم .. ) طيب وين راعي الحق وين ابو حمدان عنكم ؟ واظن انه قاعد يستحضر وبيصكني بقصيدة ثانية خلونا نشوف واتوقع ان غيبتة ما هيب على خير لكن شمس تطلع خبر يبان .
|
لحمة نية ولا لحمة مطبوخة
اعترف .... وبعدين نتفاهم وافرش مجلسك العامر وخلنا ناخذ حق ونعطي حق اما تقلب الاثنين وتردها قبل الواحد مانقبل وانا جاي قريب ودقي يامزيكا |
أنا مفقوعة كبدي من جبل الشعبة ...تكفون أبردوا كبدي فيه ...آقل ميده الأقربون أولا ، يقل ما عليك ذولي أهل بيت ...على قول الجبلي ..أنا ماأقدر فيه لكن يا شيخ أنجره ..لا يغركم تمسكانه وكلا مه المعسول ..أنجروه وعبد الرحيم قاعد بمسحاته تحت اللوزة على الداعي ولام ..وأن أحتجتم شييء دقوا عليه الجرس ..وعفاكم . أنا : علي |
لا يهمك يابو حسن ولا توصي حريص بنخترج الاولة والتاليه |
اقتباس:
اللهم لا شماتة أنا جبت كلامك اللي فوق بس أبغاك تتذكر سواتك فيه ذاك النهار يقول المثل يا حافر حفرة.......لا تطولها حبيت أسألك سؤال ياجبل الشعبة تبغى شي اشتريه لك من مكة يعني أكلم الطباخ أو آخذ الفاكهة أو أي شي تبغاه أنا حاضر علشان في خاطري أنا أقرب للبوابة منك ولا ودي ينقص على الجماعة شيْ وإذا تقابلنا نتحاسب عذ بالله من الشيطان |
يا علي وعلي وشعب الجن وانت يا يا يا احمد بن فيصل
تعوذوا من الشيطان وابشروا بما يرضيكم وانا بانصب عبد الله بن رمزي حكم بيننا ( اقرب من الخوف تامن :bowtie-guy: ) واذا وصلنا الخيمة المقترحة نقدم حججنا شرط يحضر المدعي علي بن جاهمة وابو سامي رجل ما يقل الا كلمة الحق وانا قابل حكمه لو يقل انتزوا في البير قلنا تبشر يا ابو سامي ها خلاص قولوا تم واتفلوا ابليس وتذكروا اني يتيم لا ام ولا اب . |
الله يسعد أيامكم ولياليكم بكل خير .. الأمر بسيط يا لربع .. الجمل لا طاح تكثر السكاكين والحقيقة إن جبل الشعبة مخطي وعليه الله واكبر .. لكنه رضي بالحكم ورشحني قاضياً في هذه الدعوى الموجهة ضده مع علمه أني من الخصوم وهذا اكبر دليل أن خصمكم موافق على الحكم طالما رضي بخصمه يكون قاضياً .. عندما يجتمع الخصوم في المخيم ابشروا بما يرضيكم .. واللبيب بالإشارة يفهم .. واسمعوا وش يقول بن رمزي .. يا جبل لشعبة أنت من الخطأ ما أنت سالم مادام نصبتني قاضي تبشر تبشر وتدري إني من الخصام وقبلت شوري شكلك مسلّم وراضي بالحكم قبل أقوله الشرط ياجي علي بن جاهمة ما يوكل احضر وصمم ولا تقبل بصك الوكالة |
يا جبل لشعبة أنت من الخطأ ما أنت سالم مادام نصبتني قاضي تبشر تبشر وتدري إني من الخصام وقبلت شوري شكلك مسلّم وراضي بالحكم قبل أقوله الشرط ياجي علي بن جاهمة ما يوكل احضر وصمم ولا تقبل بصك الوكالة قاضيان في النار وواحد في الجنة والله اعلم من انت منه اشوف الشد مايل جبل الشعبه يوكل وابو حمدان ما يوكل هذا الكلام في اي شرع واي ملة حسبنا الله ونعم الوكيل تبون شوري عقلوا العداد الين ننصب الخيمة وهنياك حفرنا ودفنا ويجيب الله الخير اذا كان خصمك القاضي فاطلب الله الذي يمهل ولا يهمل |
. ***** ما نقبل وكيل عن علي بن جاهمه :invit: وكيل جبل الشعبه مقبول حتى لو ما يحضر جبل الشعبه المخيم :box: انت يا احمد فيصل لا تقعد كلما قلنا شي فتقت في طرفه :gathering: افلح يا علي ابو علامه وادي مليل حل عنا وعن خيمتنا :climb2: انا سمعت ان الخيمه بتنصبونها في فج الغواه :drive1: مدري صدق وإلا لا :donublush: :horse: ***** |
اولا
لا انسحاب ولا توكيل ولا تفاوض ثانيا القارعة حقت قصيدتك يابن رمزي ماعرفت لها ثالثا جبل الشعبة الله يرحم والديه يتمسكن ولكن الخطا كبير والواقعة حصلت وعليها شهود وانحن مابنرضى الا بحكم الشرع ولا بقولة سالفة العادات والتقاليد والاعراف وسلوم القبايل وانا ماصدقت امسك على ابو ياسر شي وتفكرون اني بعد اخلية ؟؟ انا جاي بكرة لمفاوضة لا عب الوحدة المحياني ومعي 20 مليون ريال من النصر للوحدة وبمر على اولاد رمزي في الشرايع وبما يحكمون نرضي ولا نصيف بس لازم يحضر الاخ جبل الشعبة وموعدنا مساء الخميس وان الخميس لناظره قريب وعغاكم ... |
يا حي الله أبو حمدان ...ما ظنيت انك بتلحق المحياني الرجال يقول وأن سمعت القول هذا في برنامج الجولة يقول أنه أستخار الله وأختار الهلال مهما تقدم له من عروض ,, والبارح كان هو وسامي الجابر والقرون مدير أعماله ..وبيعطونه الشيك ومع جنبه المشعاب...شيكك ذا بتجي به وإش بتها هب مع جنبه ؟؟ هراوه ؟؟ آسف ..قصدي دبساء ..قلوبنا معكم ..والله ينجحكم ..ما علينا خلنا نرجع لموضوعنا ..أنا شهادتي طارفة .. إذا أحتجتها قدام فضيلة الشيخ ...القاضي تها ، أنا حاضر وعلمي وسلا متك . سميك :علي |
الشرط ياجي علي بن جاهمة ما يوكل
احضر وصمم ولا تقبل بصك الوكالة اولا : انا موافق على كلام القاضي العادل عبد الله رمزي وقابل حكمه بشرط حضور خصمي في الخيمة وتقديم ادلته التي يدعيها . ثانيا : لا فض فوك يا عبد الرحيم بن قسقس وانا اعرف انك رجال حقاني :disgust: ودائما محرافتك ما تحفر الا في الصالح العام وانت تحفر بها لدفن الباطل ولم تطاوعك روحك الابية عندما تجمعوا الخصوم على جبل الشعبة المسكين ان تبقى في موقف المتفرج فدخلت ايها الفارس لتصدهم وتطالب بالحق بارك الله فيك . ثالثا : انا يا علي ابو علامة ما نصبت عبد الله رمزي وكيل عني بل قاضيا يحكم بالعدل بعد حضور خصمي علي بن جاهمة ولا تنقص من شأن القاضي وانا استغرب كيف يسكت عنك وانت تشكك في نزاهته :ka: وهذي لها باب وجواب . رابعا : الله يحييك يا علي بن جاهمة واتمنى لو تعلمني برقم الرحلة التي ستأتي عليها حتى استقبلك واذا ترغب تخلي شنطتك وفلوسك عندي ففي الحفظ والصون :huit: وموعدنا الخيمة وحكم القاضي . خامسا : سجل يا قاضي هذا علي بن حسن يعرض شهادته وعنده استعداد يفصلها حسب الطلب واظن ولا اتهمة والله اعلم انه من الربع الذين يقعدون عند المحاكم يعرضون خدماتهم وكل شي بحقه . |
الأخ الفاضل / علي بن جاهمة من شان المحياني ربنا يوفقك في الصفقة وسلم لي عليه كثير تراه من طلابي في ابن كثير المتوسطة .. وهذا الفن من تدريب أستاذه عادل المعلم عليه رحمة الله .. إذا وافق معك خله يعطيني 10% من الشيك .. وإذا رفض الصفقة فالشيك الله الله لا تعود به الرياض مر به علينا في الشرائع .. وخذوني بدلاً منه .. وقول لأخوياك في النصر عقدت الصفقة مع أستاذ المحياني ... بالنسبة للحن حق القصيدة على طرق المجالسي يعني على طرق .. يهبط في أبها ويهبط سوق نجران حبّه لا يكن الرياضة نستك القصايد والطروق .. بالنسبة لإتهامات علي ابو علامة للقاضي فهذي ما تحتاج شهود الكلام امام الملاء .. ولكن الرد جاهز خاص لعلي ابو علامة وتراه رد على قصيدتي السابقة .. ياخي على ودّي اتهرج معك وانتسالم البعض يبغي طريق الخير وأنته تبى الشر لكن حسابك على مولاك يوم النشوري ولا بينفعك بعض الناس لو صفقوا له لا تحسب إنه كما بعض البشر ذا توكٍل ولا معه جيب يعطيكه بختم الوكالة على بن حسن ... حسبك الله إن كان تتغضر في اخوك الصغير ياقليل الشيمة بدل ما تعاونه على الخصوم ... |
صح لسانك يا ابا سامي وبارك الله في جهودك وجعلك دائما ذخر للمظلومين بردت قلبي في علي وعلي وعقبال ما يصدر الحكم في صالحي بعد ان تتبخر ادلة على والذي يقل لا انسحاب
ولا توكيل ولا تفاوض . |
ما شاء الله وكل هذا يحصل وانا ياغافل لك الله عشان اني مشغول تنتهزونها فرصة هيا الحمد لله دام الخصم بيحضر بنفسه فهذا عز الطلب ... الاوراق جاهزه ومرسله بالفاكس برقم بيت جبل الشعبه وعند القاضي اللي رشحتموه بدون ما تاخذون راينا تبان الحقائق ودقي يامزيكا .. |
. ***** كني سمعت انكم بتجتمعون عند جبل الشعبه تدرسون الموضوع ها لا تنسون تدعوني يمكن تحتاجوني اما والا ***** |
لا احد يجي يدرس عندي مافيني كافيني يا عبد الرحيم وحيلوا عني في ارض الله الوسيعة تراى صدري كما قف ابو فتيل ما يتحمل والربع فقعوا قلبي وهم بعيد عني خل يجون يدرسون عندي :no02:
|
جبل الشعبة ... الله الله لاتوافق على حضور الخصوم عندك إحتمال يقلبون الأمور ضدك مع أنها في صالحك إلى الآن ... الرجال اللي أنت خابر ماهو جاي .. الصفقة تمت للهلال ب28 مليون وخل شيك الرجال ينقعه في فنجال شاهي ويشربه .. هذا إذا ما خذوبك إلين يطيب الله في خاطرك .. قد اعذر من انذر |
الله الله ياجبل الشعبه كما قال أبوسامي وترى من يكون حليفه بن رمزي بإذن الله مايضام خلك مع أبوسامي وماتندم ... وانت ياأبوسامي كفو ونعم ومايضيع عندك حق ... |
اقتباس:
|
|
جديد \ قديم
لسؤ حظي اول مره ادخل خيمة الحمايه ووجدت الاخوالدان بدو ما عندهم من طرح 0 وان اجيب قديم جديد وهذه القصيده بدع ورد من 00 علي بن خماش رحمه الله 00 في طهار الدكتور خالد محمد بن قشاط حفضه الله ورحم والده وهي على لون المسحباني خذوها وبالعافيه واحسيو عمرها وسمو عليه الاول باقول لو كنت مزعل السمن ملن حياته في مغلقك ياصنيعي 00 ما جاء من الوقت سمنا الثاني يا صاحبي كيف تزعل ما حي ملن حياته و لييش تنسى صنيعي 00 بعد المحبه اقتسمنا |
سلمت يا ابو صالح وما شاء الله تبارك الله الله يعطيك العافية دائما تتحفنا بروائعك .
تقبل تحياتي واحترامي . |
الخيمة وأهل الخيمة ..الله يصبحكم بكل خير .. يقولون الليلة زواج توفيق بن عبدالرحين بن قسقس في قاعة فرح بغمكاني اقابلكم هناك واستمتع بالنظر إلى وجوهكم المبتسمة ... لكن نفسي اشوفكم كلكم في العرضه .. حسب ما سمعت أن هناك فرقة شعبية .. |
حامل المسك كان بودنا التعرف عليك وكشف القناع ... اكيد حضرت وشفت بعينك كرم الضيافة وحسن الاستقبال واخيرا عرضة جت على ما تمنى لو الفرقة طاوعت العراضة لاستمرت العرضة الى الصباح والحقيقة ان كل ما يقال في هذه الليلة قليل فما حصل من فرح وبهجة ارتسمت على وجوه الحاضرين يفوق الوصف وكانت ليلة لا تُنسى دعواتنا للعريسين بالتوفيق وحياه سعيدة |
كيف مايحضر ياأباأديب ؟! إلا حضر وعرض ولعب بعد وبالمناسبة نقول له مبروك . |
الأخ على شكرا لمرورك ومبروك للعرسان ووالديهم ابو ناهل الله يعطيك العافية صحيح كلامك لكن الأخيرة لا تراك رحت بعيد رغم إني قريب إلي نفسك حسب ما اظن ...>>>>>>>>>>>>>>>>>>>7>>>>>>>>>>>>> 7 7 7 7 7 7 7 7 ماعرفتني اسأل اللي كان جنبك في العرضة 7 7 7 طيب ما شميت ريحة المسك طيب اشوفك بعدين |
طيب يا حامل المسك وبعدين معاك ؟؟؟؟؟؟ ما تبطل حركات |
أحد الأحبة كان في زيارة خاطفة للطائف وأثناء عودته لم يستطع تجاهل خيمة الحماية مر واللي عليه بالخير ووجد الشعب خالي والخيمة تون وتردد مايلي : هذا ماجاء على لسان الخيمة التي تجاهلها شعب جعمله هداه الله ورده لمحبيه بدع الخيمه ياشعبنا بأشكي من الغبن زوركم نعتني بأوصاف والله ماهيب بيه ربي على الظالم ويقدر يهولكم وأما الذي ناوي لنا بالوشع ب (ألغزله) وأوقعه في (حبله ) ذا نصب بها ......................... ألغزله - أعطيه لغز ليحله حبله - بضم الحاء وتشديد الباء أي حباله .................................................. ................... طبعآ الرجال ماكذب خبر ودق عليه ليطلعني على الأمر فقلت أخبركم والشور لكم ... |
قصيدة الخيمة غير واضحة لذلك ومن باب الأمانة اعدت إدراجها بدع الخيمه ياشعبنا بأشكي من الغبن زوركم نعتني بأوصاف والله ماهيب بيه ربي على الظالم ويقدر يهولكم وأما الذي ناوي لنا بالوشع ب (ألغزله) وأوقعه في (حبله ) ذا نصب بها |
الحقيقة إن الخيمة ما عاد ندري فينها غطاها الغبار ولا عاد نشوف إلا طرفها وشعب الغزلة لا هي عنها وآنا يوم شفت بدعها اللي تقول فيه البدع: ياشعبنا بأشكي من الغبن زوركم نعتني بأوصاف والله ماهيب بيه ربي على الظالم ويقدر يهولكم وأما الذي ناوي لنا بالوشع ب (ألغزله) وأوقعه في (حبله ) ذا نصب بها قلت أنا: يا خيمة الفقر لا ترجين منا نزوركم إلى متى وانت يا خيمه مهبية ما ودي آقول قولة آهو لكم فين الذي كان يعمرها وفين شعب الغزلة لا عاد ما هو فليته ما نصب بها وانتظر رأيكم |
حياك الله يارفيع الشان ولا يهون ابو ناهل والاخوان الحق ان الخيمة نورت بوجودك وانتشت وانتعشت بمجرد وقع قدمك على بوابتها ارحب بك واثني التراحيب ... انا ماني شاعر ولكن حبيت اجاريكم على استحياء ولذلك استعنت بصديق بعد الله وقلت بدع عساه يناسبكم وغضوا الطرف اخوكم لو يقضم الشعر كانت علومه تسركم لكن نصب الخيمة وجهز المعاميل والميرة والباقي عليكم .. اكرر التراحيب .. وهذا البدع : وعليكم الرد شٌعبكم قد تجمل بخيمة واحضر التمر والسمن فيها كم جمع من عقولا فهيمه اعطا كل العرب ما تبيها هذا علمي وسلامتكم |
الخيمة عامرة بأهلها ومشرعة الابواب وكل من زارها سيجد العلوم الطيبة .. أنا ما غبت عنكم إلا بثوبي .. ولا أخفيكم إني طلعت الباحة قبل فترة رديت واحدة من البلاد خريف قلت يمكن يجي لنا حميصه وإلا كيس ذره نتشفقة عيش .. وقبل يومين طلعت اشوف واتفرج واتبشر لكن المشكا على الله اللي كان يذرا الظاهر إنه بخيل ما ذرا الركيب كله .. وشاقني منظر الركيب وهو يفشّل اللي ذراه واللي يتفرج فيه .. ويوم خرجت إنه في مرحلة التحزيم وأنا رجال ما عاد فيّه شدّه وسويت هذا البدع طالب الفزعة من رفيع الشأن .. يا رفيع الشأن رديت لي شقة خريف ما قدرت احزمه كل عودا في مكان والشي لو كانه محزم بيهني با لهنا وش رأيك تفزع مع أخوك من جهمه تحزم وأنا وأنت أخوان ما دام سرّك سرّنا |
يابوسامي ولا يهونون الإخوان لا تلوم اللي كان يذرا، يمكن عقله ما كان معه والا يكن حد غره من نفسه واشوى إلى طلع شي هناك بعض المنتوج فيه ناس بشروا وعملوا ودمسوا وسقوا ونسيوا يذرون وما طلع من تعبهم ولا سبلة. وأنا معك من جهمة إن شاء الله نحزم ونودي للبيت يمكن اللي حصل فيه الكفاية، والبركة في الموجود وخذ الرد -الله لا يهينك - : علمي اللي صار كله محاولة تخريف ادري ان الحال ودك تقول كان كان يا بو سامي لك بشارة وبا وقف هنا وآنا قد طاوعت شور الذي رايه محزم خذ قراري الآن وإن كان سرك سرّنا وسلامتكم |
قصّد وسولف ووسع صدرك ولا تغيب ترى علمك دوبه زان وبدأت الأمور تتضح والصعب أصبح سهلاً .. اسمع اسمع استمع في رأي عاقل معه رأيا حصيف وانتبه للقارعة دوب علمك زان زان ما يجي منّي خيانة ولا يا جي شنا طالما سايرت شعارنا فيما تقدّم تكشف الأيام سيالنا من برنا |
الحقيقة إني انشغلت بمباراة المنتخب وأبارك للجميع فوز المنتخب وأنا معك يا بوسامي إن المسألة سوالف وتوسيع صدر لكن نحتاج من مثلك التوجيه والنصح يا تقدمنا يا وقفنا لذا أرجو أن تتقبل هذا الرد: ودي أبقى عند شورك ولا عنّه ح اصيف ما ابغي اجمع سنديان(ن) معك يا زان زان والتجانس هو سبب قوتك يا جيشنا والذي ما يسمع الشور يعثر وان تقدّم ليتنا نقدر نجازي صديق(ن) برّنا وسلامتكم |
الحقيقه يالربع إن شعب جعمله الله يطول عمره ماقصر والخيمه بدل ماتشتكي من غياب مريديها قامت تحط اللوم على شعب جعمله ولإحساسي بما في نفسه قلت : البدع مرحبا بك عد ماأقريت للخاطر وضيف خيمتك ياشعبنا خير من رفع المبان يكفي الزاير تقله هلابك والفنا لايهمك من نقد منهجك مادمت معلم والذي مثلك فهم شفنا وآهم منى ........ وسلامتكم |
الله يمسيكم بالخير يالربع انا شفت الخيمة منورة وجيت اشوف وش العلم ولو ان الواجب اني ما اصيف عنها لكن شفت كل واحد منكم ركب راسه الحمد لله دامكم جيتم ابشروا بما يدسم شواربكم انت يابو سامي ورفيع الشان الله يقويكم ويسعدكم ولا اوصيك يابو سامي على رفيع الشان تراه رفيع المقام وله مكانته وله من اسمه نصيب .. ابو ناهل صح لسانك وعلا شانك قلت وابدعت الله لا يحرمنا منك ويعطيك العافية وهلا بك وبمن لفا خيمتنا ابشروا بالسعد والعلوم السفرة |
اثركم في الخيمة تقصدون وتسولفون ولا عذرة ولا خيط في ابرة وما بقي الا الحميصة .
لا اله الا الله ... الله لا يقاطع فينا :ka: |
وينكم ياجماعه والله إن متشرهين في الخيمه وشعب جعمله ماقصر لكن الله المستعان حتى جبل الشعبه مرالخيمه ولا لقي حد عمومآ قلت بدع قبل أسابيع ولاحس ولاخبر ولذلك قررت الرد وأبوسامي يدري بالمخلات البدع مرحبا بك عد ماأقريت للخاطر وضيف خيمتك ياشعبنا خير من رفع المبان يكفي الزاير تقله هلابك والفنا لايهمك من نقد منهجك مادمت معلم والذي مثلك فهم شفنا وآهم منى الرد ياأبوسامي مابأزود على قولك وآضيف علم خافي عنك ياشيخ وأما علم بان والذي ماتعجبه ودنا له بالفنا أعرف الصادق معك من عيونه وأنتم أعلم دام نيتنا مع أهل الوفا ماهمنا ........ وسلامتكم ......... |
| الساعة الآن 02:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir