|
. ***** والله يا أبو حاتم أني بعد مطالعة مشاركة واستخلاص العبر والمعاني التالية: 1 - ألف مره 2 - تبريرات ومحاكمة 3 - حمورابي أو قانون هتلر 4 - التهم 5 - دون اعتبار للأعضاء 6 - التأمر 7 - شخصيات خارجية 8 - خلسة 9 - الغلس 10 - التخفي 11 - أمور دبرت بليل 12 - مخالفة لقانون البشك 13 - الخروج عن المألوف 14 - وحدة الصف ولم الشمل 15 - شقوا عصى الطاعة 16 - المبررات والأعذار 17 - فعلتهم الشنعاء 18 - الجرم الذي اقترفوه 19 - في الظلام 20 - يتحدثون لغة الإشارة 21 - شي خفي أصبت بالذهول من هول ما اقترفوه في حق جميع الأعضاء وسخطت الغدا وربما اسخط العشاء وربطت على رأسي وقاعد في حدة البيت افكر في هذول اللي ما يخافون الله فينا هيل الله عليهم يرتكبون واحد وعشرين مخالفه كل مخالفه تسدح اللي بعدها وقلت يا ولد ما يبغالها إلا نتفق وننطلق إلى بيت أبو حسن ونقطع القانون الفرنسي من جذوره ونضع مكانه قوانين حمرابي وهتلر ومن ثم نفتل الشور ونتفق على رأي واحد ومثل ما قال أبو خالد وصلت وشمخت ولا عاد نحتمل اكثر مما سار وحدث ***** |
تعوذ من الشيطان يا ابا حاتم وانت يا ابا خالد ويا ابا توفيق تعوذوا من الشيطان واعطونا فرصة ندافع عن نفوسنا . قولوا لا اله الا الله وصلوا على النبي يا الربع . المسألة وما فيها ضيوف جونا من القصيم ولهم علينا حق ، طلبوا مني انا يا محاكيكم اروح معهم جهة الجنوب لعدم معرفتهم بتلك المنطقة ومواقعها قلت ابشروا وبما إن ابو اديب وفي رواية علي الجيزاني خبير بتلك المناطق زقيت بعقالي في حثلة وقلت تكفى يا علي فيما اطلبك فيه ، قال : ابشر قلت : ترافقنا تدلنا على جيزان وضواحيها ، قال ابشر ورافقنا فزعة رغم انه مشغول وما هوب فاضي هذا كل ما في الموضوع لا اكثر ولا اقل وماهوب معقول اقش الرفاقة كلهم واقل تعالوا دلونا على الطريق خاصة والناس مشاغيل وعندهم اختبارات ولا هوب معقول نقل للضيفان عودوا من حيد ما جيتم انحن مشاغيل ما ترضونها لنا ، ولا هوب معقول نحرّج عليهم في الساحات ونقل افلحوا يا مفاليح عندنا ضيوف بيروحون الجنوب . قمنا بالواجب عن الجميع ، فهل انحن مخطين ؟! وهل نستحق هذي النفرة منكم ؟! وكيف تقطعون فرشنا بمشاعيبكم ( مع احترامي للمشاعيب كلها )على الاقل انشدونا وش عندنا . يا عبد الله بن رمزي يا محمد ابو عالي يا احمد بن فيصل ويا بقية الموامين تكفون تدخلوا واحكموا ( ما قدرت ادعي علي بن حسن خوف من القانون الفرنسي ) وصلى الله على محمد والسلام . |
الربع وصلوا البارح من رحلتهم الميمونة في جولة سياحية إلى جنوب المملكة ومن ضمن الجولة زيارة لجبال فيفا وفعلاً من تقديرهم لي أتوا لي بهدية من هذا الجبل الأشم هي عبارة عن حزمة [ قرف] حبق فيفي وقالوا لي يا شيخ علي ان هذا الحبق يختلف عن حبق المدينة حتى في طريقة تناوله فحبق المدينة يوضع على الشاى وهذا بالعكس يمضغ وتبلع عصارته ولا يبلع الليف ولكن يخزن في أحد الزغود الأيمن أو الأيسر ويشرب الشاي عليه وهكذا دواليك دفعة جديدة من الحبق وبلع العصارة وتخزن الليف وتشرب الشاي عليه ... وبعدها ماشفت إلاّ العافية وإلى الآن انا صاحي وأطلعت على كل الأنظمة من البارح إلى الآن ومستعد لتقبل التقاضي لدي على مدارالأربع وعشرين الساعة وفي أي وقت ...ووينكم يا متخاصمين ؟!!! أنا جاهز وفي أي وقت . |
ليت الله منها هديه ياشيخ علي لوكان ودهم لك بالخير ونيتهم صافيه كان جابو لك سطل (عسل و عكة سمن ) كان احسن من الحبق الي نفخ زغودك وخلاك صاحي واحمدالله انك وقتها ماندرت من البيت وافلحت جهة الشارع وإلا كان ..... المهم عليك بالخصوم وتطبيق انظمه جديده وتستعين بابن العم محمد بحكم التخصص لك المحبه والتقدير يا ابو حسن |
يا بوتوفيق ابو حسن جاله على حد قوله
من تقديرهم لي أتوا لي بهدية من هذا الجبل الأشم هي عبارة عن حزمة [ قرف] حبق فيفي وقالوا لي يا شيخ علي ان هذا الحبق يختلف عن حبق المدينة حتى في طريقة تناوله فحبق المدينة يوضع على الشاى وهذا بالعكس يمضغ وتبلع عصارته ولا يبلع الليف ولكن يخزن في أحد الزغود الأيمن أو الأيسر ويشرب الشاي عليه وهكذا دواليك دفعة جديدة من الحبق وبلع العصارة وتخزن الليف وتشرب الشاي عليه ... وبعدها ماشفت إلاّ العافية وإلى الآن انا صاحي وأطلعت على كل الأنظمة من البارح إلى الآن ومستعد لتقبل التقاضي لدي على مدارالأربع وعشرين الساعة وفي أي وقت ...ووينكم يا متخاصمين ؟!!! أنا جاهز وفي أي وقت . وانا شفته بعد صلاة الفجر وزغده منتفخ وقلت الله يعينك يا ابوحسن على وجع الأسنان واثر الرجال زغده منفوخ من مضغ الحبق وشرب الشاهي ياحليله اثره طول الليل يمضغ الحبق ويشرب الشاهي ما بعد رقد وانا اشوف ناخذ له شوية مر وشنه حبه سوداء مطحونة يدهن بها زغده وعشان هو ماعاد يقدر ياكل على ضروسه اشوف ناخذ له كم حبه سمك ناجل وثلاثة كيلو قمبري اربه يقدر يبتلعها وتلين ضروسه ويخف انتفاخ زغده ويحكم على الربع بما يستحقون قل تم وبلغ ابوسهيل وابوخالد يمرون على سعادة اللواء وابوسامي ابوحسن يستاهل نتعنى له :guinesssmilie::guinesssmilie::guinesssmilie::guin esssmilie: :mf_prop::mf_prop::mf_prop::mf_prop::mad_argue::gu nsmilie::donublush: |
اشوف ناخذ له كم حبه سمك ناجل وثلاثة كيلو قمبري اربه يقدر يبتلعها وتلين ضروسه ويخف انتفاخ زغده ويحكم على الربع بما يستحقون قل تم وبلغ ابوسهيل وابوخالد يمرون على سعادة اللواء وابوسامي ابوحسن يستاهل نتعنى له صح لسانك يا أبا حاتم يستاهل الخال ابوحسن نتعنى له ونعسه شدو حيلكم ياشباب المره هذي ماكو فكه الحكم صادر ضد الغادرين وفي صالحنا جميعا لكم تحياتي 0 |
لحزة ...لحزة.... يا أخوان خلونا نفصل الموضوع بشويش أولاً: روحة الإخوان لجيزان ما علينا منها ليتهم يكن ما عودوا إلا من ورا عدن هذا أمر يخصهم وبعد يبيح الخيل لنا عطاردة على رأي سعات اللواء ثانياً: عودتهم أسعدتنا وأن كان الله يهديهم استعجلوا وجوا بدري ما كان يرزى لو قعدوا سنة ثالثاً: بخصوص قرف الحبق اللي سهّر الريس وغدا زغدة كما النافج فهذا أمره هين ويبدوا أن مكافحة.... أهملوا في الفتيل رابعاً: اللي يحتاج مجلس ونقاش وخباط بالهراوي على الفراش هو موضوع العزيمة التي أقيمت بجدة ولم ندر عنها ونحتاج منكم بيان فان من قدم سلف بيد الثقة لابد من ودّايه فوق عود بازغ جور الحمايل ما تهزمه والا مو كده ياخال.... |
يبدو ان عند ابو سهيل علم اكيد ان وراء الأكمة ما ورائها ومن المؤكد اننا سنجد ان هناك ريحة فاحت من .........ووصلت الى مكة وانا ياغافل لك الله جنبهم والماء يجري من جنبي وانا عطشان لكن شمس تطلع وخبر يبان |
يعني اذا اكل اخي حبق وشرب عليه شاهي فيها شي ؟ س : هل الحبق محرم ؟ والا شرب الشاهي محرم ؟ نفخة زغد اخي طبيعية وما يعرفها الا انا تدرون ليش ؟ اخي اذا زعل يهدر كما جمل لقيناه في طريقنا وانحن جايين من مهمتنا وانشدوا علي ابو علامة وانصحكم وخاصة انت يا ابا حاتم لا تزعلونه خاصة بعد تناوله للحبق ومن انذر فقد اعذر . وكذلك انت يا ذا تنخش حول موضوع الاكلة وتقترح الخباط بالهراوى تراه يتحسس من هذا الاشياء وانا علمتك وترى سيفك (الموطى) ما عينه ينفعك . والسلام . |
اهكبوا اهكبواااااااا اهكبوا واهتكبوا انا سمعت صياح واستغاثه وجيت اجري حافي القدمين وكلوا الله قلت وش العلم وش السالفه ليكن فيها ذابح ومذبوح ولن العلم غير ما حصل كما قالوا المقوله : يحسدون الثور على كبر عيونه , ناس مساكين ايتام خرجوا يتمشون وما حيلتهم الا على فرسان ولن عيون الي مدري وش اقول فيها تطاردهم راحوا جوا ,,, تقل كنهم راحوا شلالات نياجرا والا والا وعلى ايه ياعم علما ان فرسان تطقع بمليون من عينة نياجرا لكونها جزء عزيز وغالي من بلادنا الحبيبة فيها المتعه والجمال والمناظر الطبيعية وراحة البال والهدوء والامن والامان وكرم اهلها وطيبتهم وبشاشتهم وحدث ولا حرج ومن شاف ليس كمن سمع ..... المهم حطوا مشاعيبكم وهرواكم في تاعك الحدة وفروا علينا هتلتنا قطعتموها بعصيكم وزكمتمونا بغبارها وانتم تقولون بتقيمون الحدان بالقانون الفرنسي والهتلري والحمورابي والقرقوشي وتحطون المشانق قبل صدور الاحكام يعني الامر مبيت بليل قدها مفبركة والنتيجة كانت الانتخابات سليمة وناجحة 99,9999% لصالح الريس يعني بالعربي وبكل اللغات الحية والميته والمعترف بها وغير المعترف بها دوليا او محليا ناوين على الفله الله يكفينا شركم ويعطينا خيركم هذا ان كان عندكم خير والا فانتم في وادي والخير في وادي وهذا اكبر دليل لو انكم صادقين كان جيتم محيين سلمتم وقلتم الحمد لله على السلامه هذي عاداتنا وسلومنا - والا وش قلت يالريس في كلامي هذا - وخذتم علومنا ويمكن تلقون ما يلين ظروسكم الي ما ينفع فيها الا مرو تهرسه عساها تشبع ,, المهم ماني مطول السالفة ... زعلانين ليتكم تتفقعون قصدي ابشروا باللي يرضيكم بغيتم قات حاضرين بغيتم مغش وخمير وحلبة وفصعة حارة (عشان تفهموها يعني خبزة )وجنبها صميل احنا حاضرين فصلوا واحنا نلبس .. المهم ارفعوا الجلسة واخرجوا الصحفيين (محرقي العشاش على جنب ) وندخل في اجتماع خاص بالقادة الكرام واوقفوا على كراعينكم دقيقة حدادا على المسكين الي لقي حتفه على يد المطرفي بعد ما خدعوه بالقبل والاحضان المسمومة ونوقع الاتفاقية المعدة من قبل الرحلة ...ولكم مني تقريب مفصل تفصيل الحضرمي للذبيحة مدعم بالصور .. بس لا تسالوني عن قضيتنا التي فجرها رفيقنا الرابع سعد والتي ارقتنا من اول يوم وكانت حديثنا وقضيتنا طوال ايام الرحله ولا وجدنا الحل الا اثناء عودتنا بعد مفرق المظيلف ... رحلة المفاجآت والصدف ان جاز لي الشرع بهذا الوصف .. اخيرا تعوذوا من ابليس ودمتم بود وقرف قات جبلي |
| الساعة الآن 03:44 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir