تصدقون من ماتت أمي ما عرفتك يا لهناء =تصدقون من ماتت أمي عيشتي صارت ضنا
واليوم جاوزت أربعين والحزن باقي =والحنين وأحس عايش في خلا
لو أنتخي محد فزع .لو اشتكي محد درا =مشتاق أنام بحضنها .وارجع بأحلامي ورا
واذكر ليالي الزمهرير=وأنا صغير وبحضنها القي دفا
وان سولفت رديت على الجنب اليمين= وألصقت وجهي بصدرها حب وفا
كانت تحكيني عن الآم السنين وبحشرجة =صوت حزين وتنهدت وأحيان نتنهد سوا
كانت تقول إني يتيمة من زمان =واضحك وأسال بزدرا ؟
يا ميمتى أنتي كبيرة والكبير=ماهو يتم وهذا قضا
واليوم أعيش إحساسها= دار الزمن بكأسها
واسقاني أحزان اليتيم =وشربتها بليا رضا
وأحس أنا باقي يتيم.رغم السنين=والعمر ولي وانقضا
تصدقون المشكلة ما هي فراق اللي تحب =الموت حق والدهر عمره ما صفا
المشكلة ذيك الجنان التي تحت أقدامها =بغيابها غابت ووراها الثرا
وذاك الدعاء اللي كان يرسم لي أمل =ما ينقطع صبح ومساء
كانت أموري ميسرة .كانت دروبي مسرجه =كان الزمان يطيعني .واليوم ينظر لي بجفا
عشان أنا عايش يتيم. وفاقد الحب والحنين=صار الزمان يضدني.كني مناصبه العدا
حنانها ماله مثيل .وحبها ماله بديل=حب فطرة الله من عالي سما
وارجع وأقول رغم السنين= أحس أنا عايش يتيم لكني عايش في رجا