|
وبما ان العملية مفتوحة عالاخر فنحن اهل الرياض نصلكم باذن الله مساء الاربعاء في جمس جديد مضل 2012 م والسواق هاوي فيه ثمانية رجال اقحاح رحماء بينهم وسنتجه للحرم للعمرة ومن ثم نامل منكم تامين استراحة نرقد فيها الى عصر الخميس ويفضل ان تكون في الشرايع عشان يمكن نكمل السهرة عند بن رمزي والله يعينك ياعديلي ويخلف عليك ويرحم والديك |
. ***** الله يصبحكم بالخير جميعاً ويحفظ أبا أديب ويوصله إلى مدرسة ابنته بالسلامة ويعيده لنا سالم وغانم ولـ أبا خالد البارح رديت من الجوال ولا امداني اكتب اللي في خاطري وانا اعرف انك تتمنى نقول الشهرية الجايه عند يا أبو خالد وسيكون على قلبك زي العسل ولن تتردد في الترحيب وإكرام الضيف ولو كلفك الأمر كل ما تملك فالشيء من معدنه لا يستغرب وأنت ولد سعد دوبح الكريم ابن الكرام عليه رحمة الله وأمك الله يمتعها بالصحة العافية ما تحتاج لمدحي فهي بنت العجمه وأنت ما بتغدي عنهم وأنت قد قدمت العزيمة تلو الآخرى وانحن ذا نأجل ونستسمحك من وقت إلى آخر المهم والصحيح انا نعرف محبتنا في قلبك وفي قلوب كل من دعانا وعزمنا وطلب اقامة الشهرية في ضيافته من ابناء رحبان ومتأكدين من رغبتكم الصادقة والجامحة لإقامة الشهرية في بيوتكم أو في أي مكان نختاره أو تختارونه في الطائف أو غير الطائف ونعرف انكم ستكونون اسعد الناس بتواجدنا في ضيافتكم وابو حمدان يا ابا خالد كتب وقال ويمون عليك ويقدر يكتب ويعزم باسمك ويعرف ما في قلبك الخلاصة أن محلكم جميعاً القلب وبيوتكم بيوتنا وجيوبكم ملك لنا ويقدر أي شخص فينا يرحب ويسهل ويضيف في بيتك يا أبا خالد أو في أي بيت من رحبان وعلى قلوبكم زي العسل وتحياتيي لك وللجميع ***** |
الأخوين العزيزين علي حمدان 0عبدالرحيم قسقس أشكر لكما مدحكما في والدي رحمه الله رحمة الأبرار ووالدتي وأخوالي حفظهم الله والشيء من معدنه لايستغرب فأنتما أهل الكرم وأهل الوفا وأحب أن اوكد لكما وللجميع بما قلتماه عني بأن قلبي قبل بيتي مفتوح للكل والجميع وهذا من مارباني عليه والدي رحمه الله وماتعلمته من والدتي وأخوالي حفظهم الله وخاصة خالي صالح وخالي احمد وأود أن أوضح إنني لم أحمل ضغينة على أحد في يوم من الأيام لمن أساء إلي فكيف أحمل على إخواني وأخوالي وابناء عمومتي من أعضاء الساحات المحببين إلى قلبي فنحن تجمعنا في روضة الحب بالساحات أواصر القربى والأخوه الصادقه وأنا حينما كتبت مداخلتي لم أعترض على الدعوه وأنا من الملبين لها وأدعو لإستمرار قبولها من أي شخص في أي مكان تحت أي مسمى لكما وللجميع تحياتي وفقكم الله ملاحظه أتمنى أن يكون الدوري اهلاوي يا أباحمدان ههههههههه والله ماظنيت لكن كل شيءجائز0 |
كثر الله خيرك ياأبوسهيل بإذن الله أتواجد قرب المغرب يوم الخميس في معية الوالد حفظه الله يعني صار العدد ياأبواديب ياسيد أيني 18 في عين العدو . |
. ***** يا أبا سهيل اقلم اسم أبو فهد مسفر بن قسقس ***** |
وعندك واحد وصلحه يامعلم عبدلله الصرفه اولكي زمان كفجر كياهيه تطقه تطقه ( بالمناسبه اسالوه عنها ) هو يترجمها لكم اللهم بارك في هذا الجمع ( 20 ) |
اقتباس:
تعود لجداتها ولو قرحت ههههههههههههههه |
اقتباس:
ماااااااااااااااااتلي دو سمثنق هل تذكر هذه العبارة يا عديلي؟! في فيلم stop the pigeon عندما قرأت مداخلتك الآنفة الذكر، تذكرت ماتلي وكنت مستعدا لإعطائه كل النياشين بس do something الله يحييك يا عديلي ومن معك وترى الفندق محجوز وبيننا تلفون لإعطائك التفاصيل ومرحبا مليون يا جماعة ما أنتم ملاحظين أبو حاتم ماله لا حس ولا خبر اللي يعرف طريقه يقول له لا يفوته اللغمن!! |
نبارك لكم لم شملكم عند أحمد بن فيصل آل فرحه رجل الكرم والجود وجمال الصنعة الأدبية على الأطايب المكاوية وليتني كنت من الخشنين لكنت أول المتواجدين ويارب تجمع جماعتنا على البر والتقوى وتكثر مناسباتنا السعيدة على ماتحب وترضى |
وفقكم الله لو كنت قريب منكم حضرت وكشفت القناع |
منزل مبارك وعامر إن شاء الله بأهله الوالد أطال الله بعمره وعمله وصحته يحيى بن حمدان بن جميله الغامدي من وادي العلي قرية العبالة يبلغكم حضوره بمشيئة الله |
يشرفنى الحضور على اى حال كان ولكن امور يعلمها ابو خالد منعتنى واذا كان الريس وابو ياسر اخوال فانا اقرب اقرب على قول الحضرى واقدر احضر من يوم الاربعاء فى الدور الثانى عند عديلى وانام عنده ويم الخميس اطلع الدور الثالث عند ابو سهيل وهنا اتوقف واقول لابى سهيل بارك الله لك فى عيالك ومالك ورحم الله والدك واحسن الله لوالدتك الخاتمة تحياتى للجميع |
هاه اشتريت حلاوى مطو يا عم احمد والا بعد ؟ اذا ما بعد اشتريت افض فيها ، علي ابو علامة جاي من جازان حامي ظامي ولا ادنى ما اشبعه ، وعبد الله رمزي يحبها كثير واخي علي يقل تسمبه كبده إذا ما اكل حلاوى مطو قبل الاكل وبعده ، ويحيى بن حمدان يشتيها لكن يشح فيك يعني مشتهي ومستحي . وعلى فكرة منذارك ذا ارسلته لي بالجوال ما عيني اسكت عنه وباعلم به الجماعة إذا تلاقينا بمشيئة الله يكن تلين ضرسي وتكثر الحلاوى فسوف اعيد النظر والعجلة والبطى منك والقرار قرارك . والســــــــــــــــــــــــــــــــــــــــــلام . رحت وطي يا ابا سهيل ، اللهم لا شماته وهذي من نتائج تعبتي عليك الله يسامحك ( نصيحة حسن اخلاقك معي وكثر حلاوى) |
الله يحييكم جميع أما بخصوص الحلاوى ما باقي الا الدندرمة خليتها لين تجي وقد قاولنا فيها وأبشروا ومرحبا هيل عد السيل مرحبا مليون ومااااااااااتلللللللللللللللللللللي دو سمثنق |
يابو سهيل الله يسهل امورك ممكن طلب صغنون انا مريض من مشوار جيزان عشانك رحت اجيبلك حبق ومنقه وعيشة مكه مالي نفس فيها نفسي في شنه عصيدة لو كان ماهلا راس المصوط ومعها قرده في فريقة وان جبتلي قرص ملهبه والا مشرق وشنه حميس وفنجال سمن اربها ترد روحي ان كان تشاويت وانا ودي ابيت عندك عشان تندربي الحرم اصلي الجمعه واطوف وباعود ابيت عندك ليلتين والا ثلاث وودي بواحد اتهرج معه اذا رحت الدوام ان كان ودك تحلف على واحد من اخوالك . فديت خنافرك ياصديق . |
منزل مبارك اباسهيل اشكرك علي الدعوه الكريمه والله يخلف عليك ودي احضر واتشرف بالتعرف عليكم جميع لاكن ضروف العمل لاتسمح وتكفي اتوصي با ابا خالد قد ماتقدر الانه شيخ الاهلاويه في المنتدي وانتبه لايغشكم ابا اديب ويجيب حبق نوع مضروب فيه انواع اصليه منه وانواع مغشوشه سمره طيبه اتمناها للجميع تحياتي
|
وعلى فكرة منذارك ذا ارسلته لي بالجوال ما عيني اسكت عنه وباعلم به الجماعة إذا تلاقينا بمشيئة الله أبو ياسر أول شئ بسم الله على لحمك ودسمك ثانى شئ من رأى الأسبوع هذا ماتقله شئ ونخليها الأسبوع القادم ونطلع عنده البيت ونشوف ويش أغداه على المنذار وإن شفنا الرجال يأخذ ويعطي والا عدينا خذنا بنتنا وخليناه يصاكع براسه وخشمه في الجدران ولاتقول له الإ كما قال الشاعر نزار قبانى بغيت أنكح لولدى وآتريح وليت الله من النكح الموده أما أنته يابو أديب معك حق وإن كان مالقيت خوى يونسك ويتهرج معك فأنا خويك |
اقتباس:
الشور ثمرة يا ابو سعيد وانت تامر امر ، خلاص عشان خاطرك ما عيني اعلم الجماعة بالمنذار إذا طلعنا والاسبوع الثاني نخليها جلسة مودة وحبية ، إن اعتذر لي وختم فالحمد لله وان كانت الثانية خذنا بنتنا وندرنا . يعجبني فيك رجاحة عقلك وحفظك للشعر ومعرفتك بالشعار وخاصة نزار وشعرة . |
أولا يا أبو بوياسر بعد نتفاتش في الدفاتر وإن كان لك حق عندي فابشر بالحق وما يلحق لكن ما عيني أغدي اعتذر وانا مدري بايش اخطيت والشور عندي تقعدون أنت وأبو سعيد لين الاسبوع الجاي وتجون لوحدكم وكلا يبدي ما عنده ولا أشوفكم بكرة خلوني أتفرغ لضيفاني ومن ساعة لساعة فرج وعذ بالله من الشيطان وابشروا |
الصراحة ..... انا مع احمد بن فيصل .. السعة خير من الضيق الرجال مضيف ولاهو فاضي ياخذ ويعطي والأسبوع الجاي فاضي وانتم تعالوا وردّوا حججكم وهو يورّد حجته وانا وابو اديب واللي يبي يخاوينا من االربع نجي نسمع ونحكم والعشاء على من يربح القضية هاه وش قلتم بس لاتتسامحون وتتازلون عن بعض من اجل تحرمونا من العيشه |
بناجي الليلة بمشيئة الله عند ابو سهيل ولا نبحث موضوعنا لان الرجال مشغول والاسبوع الثاني نطلع عنده بمشيئة الله ونبحث الموضوع ولا مانع ترافقنا يا ابا سامي انت وابو اديب واخي ما عني انط من فوق راسه بناخذه معنا ونطرح مشكلتنا والله يختار الصالح . |
وعندك واحد وصلحه يامعلم غامداااااااوي اهلا بالحلوين |
ببالغ الاسى والحزن انعى لكم عدم حضوري لهذا الاجتماع الذي يزيد من اسفي عليه انه في بيت عديلي انا لله وانا اليه راجعون وانني على كل حال اتمنى ان ينجح هذا اللقاء المبارك وان تدوم المحبة والتواصل بين صبيان العلي وماجاورها " انحن صبيان العلي ياجاهل وكلن بنا دري لو يكن بالكثر مال اشراكنا مثل الدبا الحناني تامن البل والموبل دونها من قوم العرب " وانني قريبا ساكون في المنطقة وسيكون هناك ترتيب معين لتدشين الكتاب باذن الله اما في الطائف او في جده وكله حسب الظروف والمهم اني قرفان لوحدي وانتم مجتمعين لكن خيرها في غيرها والرجاء سرعة ارسال التقرير المصور بادق التفاصيل ,, |
اقتباس:
عذرا يا ابو حمدان لقد اغتلت فرحة اللقاء بك وانا المتطلع اليه بشوق ويمكن قبول عذرك تحياتي 00 |
قريبا يا عم نايف نتقابل على خير وفي بيتك في الطائف باذن الله وشوقي لرؤيتك وبقية الاخوان يعلم الله انه كبيرررر |
| الساعة الآن 01:49 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir