|
السلام عليكم ورحمة الله وبركاته
الأخ منصور بن ماجد بن صالح شويل بادرة طيبة تثير الحماس بين من يميلون لهذا اللون من الشعر الشعبي والمتذوقين له وهذا ردي المتواضع على البدع ولا أقصد منه إلا شحذ الهمم وانا اكن لكل رواد المنتدى من مشرفين وزوار كل التقدير والاحترام. بنشدك يابن مـــــاجد وش جــــــــابك بليل تســـــــابق أهل الكازز وما عندك الا ونيت ما قلت عن نفسي شاعر ولا قلت اني مهم والكـــــــلام الواضــــــــــــح مايباله ترجمان انتقز يالمــــــدني وخل عنك الـــــركــــــــود أكرر شكري وتقديري للأخ منصور بن ماجد بن شويل |
بدع جديد ماودي آمر بديار (ن) مالنا فيها خليل وماحب قلبي ذكرها لكن وش اعمل حن وزيت مجبور آعامل ربعها باللطف واتويجه لهم وآخاف لاحد قال منهم شفت راعي الولع بان ياكم وجوه (ن) عودت بعد الثنا والمدح سود .................... |
حي الله منصور بن ماجدبن صالح شويل مشتاااقين وينك يارجل؟؟ عموما الفكرة حلوة بس الطرق صعب حهدا جهدا.. واستعنت بصديق البارح من اللي تداخلوا قبلي وغنابه قدامي وتدربت عليه طول الليل وكنه والله اعلم اني ضبطت الوضع.. فانا با ارد على ابوناهل - لانني فهمت مغزى بدعه - ان صلح طيب وان غيرها فالعذر والسموحة يالالالالالالالالالالالالا يالللللللللللللللللللللللللللللله اعتقد الطرق كذا..... الرد يقول : (وانا كما طويش مااصيف عالقارعه واشقر حتى الصخر..) ليتك يابوناهل تعلمني تفهمني الخليل ( الخلل) بعض العرب مجهول يبغي يصب فوق النار زيت العاقل الله يرفعه والجاهلين بجهلهم وكاد اني اعرف انه بعد رجب يجي شعبان نسالك يارب اكفنا شر المعاين والحسود |
اخوي المنسدح مرحبا بك يالغالي مشاركة مبدعه لكن اعتقد انك كنت مستعجل واخلفت الطرق
|
اقتباس:
مرحبا بالغالي موجود طال عمرك تحت الخدمة |
استلم
ما عاد ودي بالقصايد لا نهار و لا في ليل ابوي وصاني ولا خذيت به فيما وصيت في راسي فكرة شاعر ومعنى وفي يدي قلم والحمد لله لي مع اهل العلم قدر وشان شان واللي يعاديني عسى ربي يبيده مالوجود |
اقتباس:
بس من جد رااااااااااااائع أخوي منصور أبي أحاول أجرب أكتب رد لك :fus: بس انتظرني شوي :inlove2: |
هذي محاولتي يارب تعجبكم :inlove2:
يا كم سكنا بالقصور وكم سكنا بالفليل ولا ندور في حضور الناس لا سمعه وصيت واللي كُتب باللوح ما يُمحى وقد خطه قلم من دوّر السفلى مع العربان علمه شان شان وأستغفر الله الردى في خاطري ماله وجود |
ياهلا ومرحبا بهمس الأحاسيس وسأترك لنفسي وللآخرين فرصة التامل في ردك البديع على المبدع منصور وهذا بدع جديد مني البدع منصور تعرف ماعنيت وقلت وان حصل الحصيل فالكلمه اللي تنسمع ماعاد يتبعها آبديت ياما سهام أدمت فؤادي وانتفضت وحشتهم راضي بما ساق القدرلي مارفضت الإمتحان ماهيب من عاداتي أعلي صوت والعالم هجود وسلامتك |
اقتباس:
تسلم أخوي وجعلك على القوة وخذ هالمحاولة مني :inlove2: يا الله أنا طالبك في قاف جميل وقاف أصيل وإن جيت بين البدع وإلا الرد ما كني بديت بعض العرب لا قال سد ، وبعضهم لا حش تُهم يا طارش إرفع للشرف بيرق ، فعِلمه حان حان بروح للمسجد أصلي لي تراويح وهجود وفي أمان الله وما ني دارية متى أرجع لكم :blushing: وسامحوني عل القصور |
| الساعة الآن 02:57 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir