ساحات وادي العلي - ( الغــفــلة )

http://www.aljshosh.com/up//uploads/...ef13351478.jpg

الغفلة

ابراهيم الشيخي

العقوبة والعفو بيـن الاوامـر والنواهـي
واتّضاح الدين عثر كل خطـوات اشتباهـه

والبشر قسمين قسمٍ مستفيق وقسم لاهـي
السعيد اللي زخـم دنيـاه ماشـد انتباهـه

باطن الايام بشـع وظاهـر الايـام زاهـي
ينخدع فيها الغشيم ويكتشفها اهل النباهـه

ضاقت الاربع اجهات وضاع فالوقت اتجاهي
من عيـا والا فكـل انسـان لله اتجاهـه

يالله اني طالبك عطفك ولطفك يـا إلاهـي
معصيتك اكبر فشل والبعد عن قربك سفاهه

حسبي ان القلب ماهو عن ربوبيتك ساهي
صادق بطاعتك لاستجمام عنـك ولانقاهـه

في البشر من يخفر الذمة على فنجال شاهي
من غباءه ياخذ الديـن وتعاليمـه فكاهـه

وفي البشر من يعتبر شكله ودينه للتباهـي
يترك الحق اعتباط وينطق الباطل وجاهـه

وفي البشر من لايروز ولاينوز ولايضاهي
عيشة الانعام يخرج من متاهه في متاهـه

والسواهي لو بحثناها طلع منهـا دواهـي
واصلة حد الجنون وواصله حـد الشراهـه

اشهد انا لـو تتبعنـا الاوامـر والنواهـي
كان يمدينا محينا الرجس عن ثوب النزاهه

الهداية من يد الله ماهي بجهـدي وجاهـي
يالله اهدينا جميع بحق ابا القاسـم وجاهـه

ياهني اللي توفـى تـارك الدنيـا كماهـي
واصبعه مرفوع وألفاظ الشهادة في شفاهه