|
سمعتوا قصيدة الراتب
السلام عليكم ورحمة الله وبركاته هذه قصيدة الراتب عجبتني فحبيت اقدمها لكم منحاش من نار وطبيت في نار ويا ويله اللي وقع ما بين نارين وان الجمل صابر على الضيم صبار وان طاح تكثر في جنوبه سكاكين وأنا ماني متابع للسياسة والأخبار ولا همني فوز اوباما وفوز ماكين وما همني ويش قال حسني لبشار وما همني لو زادوا الهند والصين وما همني لو سوق الأموال ينهار وما همني إن كسبوا أو خسروا ملايين ما همني إلا راتبي ذا الشهر طار كله صرفته قبل يوم ستة وعشرين ألف وثلاثميه على طول في اجار واربعمية مصروف جوال في زين وألف ومية قد راحت في شركة اعمار قرض أخته وشفطوه الشياطين وألف ومية باروح أسوي بهالكار سيارة جرباء ثلاث وثمانين لا شمت الراتب يجيها كما الزار تنفض مكينتها كما نفض بكلين وأم العيال أتصيح يا زوجي البار هذا الشهر عندي في القصر عرسين وآخر ميه بتروح في جيب كومار الحارس الهندي عسى فاله الشين ويقول ما تكفي للفلفل الحار يبغى من فوقها زود مني مية وخمسين منحاش من نار وطبيت في نار ويا ويله اللي وقع ما بين نارين |
الحمد لله على كل حال
ونعوذ بالله من حال اهل النار واقع يعيشه البعض كان الله في العون تحياتي ابا احمد |
سيارة جرباء ثلاث وثمانين لا شمت الراتب يجيها كما الزار تنفض مكينتها كما نفض بكلين وأم العيال أتصيح يا زوجي البار هذا الشهر عندي في القصر عرسين لو ما وجد إلاّ هذان الأثنان يا أبا أحمد لكفيا لنسف الراتب فما بالك بالبقية شكراً القصيدة حلوة ومعبرة . علي بن حسن |
ولو انه لا علاقة لي بالرواتب إنما ألقصيده رائعة إنما كل شيء منك يعجبنا تحياتي 00 |
|
ماشاء الله تبارك الله
قصيدة رائعة وجميلة يعني راتبك خمسة الاف حسب القصيدة ؟؟؟ أكيد تقرأ مرة ثانية من البعض للتأكد !!!! محبك |
شكراً لك هذه هي الحال فلله الحمد مسايرة الشاعر فقط لو راتبك يا خوي يوزن بقنطار ... بتصرفه يا شيخ في ظرف يومين يضيع مابين المظاهر والأسفار ... مابين واشنطن وكازا وبرلين هني من عايش حياته تقي بار ... ماهمته كثر الفلل والملايين |
الأستاذ القدير / بن جزاء .. أشكرك جزيل الشكر على القصيدة الرائعة ، ودمت في حفظ الله ورعايته .. وأخيراً الحمدلله بكره رواتب .... :fus: |
|
قصيدة رائعة
والله يكون في عون اصحاب الدخل المحدود الأستاذ بن جزاء سلمت ولاهنت عملنا على نقلها للفرع الشعبي في الساحات كن بخير |
| الساعة الآن 03:46 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir