|
ما كذبت أمي عليّ .. يوم قالت :
http://sahat-wadialali.com/vb/upload...1244489495.gif ما كذبت أمي عليّ .. يوم قالت : لاتنام إلا متوضي وصل .. لله ركعتين واقرا لك لو آيتين وارفع يديك وتضرع .. بالدعاء يشرق النور بجبينك ماتجيك أحلام توحش وماتقوم الصبح مهموم .. وحزين ما كذبت أمي عليّ .. يوم قالت : لاتفرط في صلاتك ولايغرك حب ذاتك ولايبل الريق مسكر حتى لو يبست لهاتك إحرص .. تصلى جماعه وكل ساعه راقب الله في حياتك ما كذبت أمي عليّ .. يوم قالت : لاتصير إنسان جارح إضحك بوجه الجميع عامل الناس بتسامح لاتفرط في حقوقك لاتجامل في النصائح ولاتثور .. تصير فاضح وإن لمست عيب صاحب لاتنافق .. ولاتصارح وإنتبه من هالنصيحه لاتصير إنسان غامض ولاتصير إنسان واضح ما كذبت أمي عليّ .. يوم قالت : إحذر .. أولادك ومالك لاتجافيهم وتقسى ولاتبالغ في دلالك ربهم بالخير .. تربح وعلم النفس القناعه وعلم القلب الشجاعه ولاتغطي العين وتحلم وتخدع الرآي بخيالك ما كذبت أمي عليّ .. يوم قالت : إنتبه .. لاتبني دارك قبل ماتختار جارك وفكر بحق المجوره!!! لايحس إنك ظلمته .. وإلا إنك يوم خنّته .. وإلا توذيه بصغارك .. ما كذبت أمي عليّ .. يوم قالت : إن وعدتَ وعد .. فاصدق إحذر تزل بلسانك أو تقلل يوم شانك عش عزيز النفس تسلم حاجتك للناس .. علقم لاتبين ضعف حالك أو يغرك زود مالك ولاتهين إنسان .. تندم ما كذبت أمي عليّ .. يوم قالت : خلك إنسان بكرامه لاتغرك هالأمور المناصب والقصور فكَّر بيوم القيامه فكَّر إنك ماأنت خالد رحلة الدنيا قصيره تلقى نفسك في سلامه ما كذبت أمي عليّ .. يوم قالت : إحذر تصير البخيل واحذر تبذر وتطّغى واحذر تعيش بخساسه أو ذليل ولاتنام بيوم خالي لاتنام بدون لاتفعل جميل تلقى نفسك في معزه تلقى روحك في شموخ عش أصيل ومت أصيل ما كذبت أمي عليّ .. يوم قالت : كل ماسويتْ فيني أو في أبوك تبي تشوفه من عيالك بر فينا تلقى بِرك ياعسى الله لايضرك والله الله لاتلين بضعف تعصر ولا تقسى بشر تكسر إصحى .. وإحذر زوجتك تشكى وتكدر لاتدقق في خطاها وإنتبه تكشف غطاها تسعد بنعمة وفاها وتلقى منها مايسرك ما كذبت أمي عليّ .. يوم قالت : لاتمل هموم حملك ولاتظن الناس مثلك واصنع أمرك من يمينك لاتدور من يعينك بين ربعك .. ولاأهلك لاتعامل باللي تكره ولا تجارم وإلا تشره من البريد تحياتي ........... |
الاخ عبدالعزيز بن شويل رائــــعــه بحق هـــي تلك الاسطــــر المذهبـــه لم تكـــن مجرد ابيــــات كستهـــــا القافيــــــــه بل الحضــــور والجوده العاليــــه للمعنــــــــــــى بشكـــــل لم يلحقــــه قصــــــــــــــور كــل الشكـــر و التقـديــر لبــوحك الرائــــــع و انتقـــاءك المميـــز دمت بــ سعـادة تملئ قلبــك |
الغالي أبوفهد : من حسن حظي أنني ختمت ليلتي بهذه الرائعة فلاعدمتك |
عبد العزيز بن شويل جميل ورائع ما سطرت .. سلمت أناملك ولكن حفظاً لمجهود الغير .. قد تم إدراج هذا الموضوع .. من قِبَل الأخت الفاضلة شموخ في موضوع .. الألف رد مُسبقاً. ماكذبت أمي عليّ شكراً لسعة صدرك .. شكراً لفكرك الراقي دمت بخير |
؛ أخي ... شويـل أسطر رائعة من يقرأها يأخذه الحنين لتلك الغالية " الأم " فكم نحتاج لهذه النصائح المسطرة بصدق وإخلاص دمت ودام جمال إختيارك .. وتكرر المواضيع لا يفسد للاعضاء تميزهم .. ؛؛ شكرا ابن القرية لـ التوضيح .. ؛؛ |
http://sahat-wadialali.com/vb/upload...1244489495.gif بن قباء ابو ناهل ابن القرية شموخ اشكر لكم هذا التواجد والمشاركة مع الإعتذار للأخت شموخ عن إعادة طرح الموضوع تحياتي ........... |
ما كذبت أمي عليّ .. يوم قالت :
كل ماسويتْ فيني أو في أبوك تبي تشوفه من عيالك بر فينا تلقى بِرك ياعسى الله لايضرك والله الله لاتلين بضعف تعصر ولا تقسى بشر تكسر إصحى .. وإحذر زوجتك تشكى وتكدر لاتدقق في خطاها وإنتبه تكشف غطاها تسعد بنعمة وفاها وتلقى منها مايسرك شكرا لك يا ابا فهد على تذكيرك لنا بكل الطرق المتاحة كتب الله لك الاجر وزادك من فضله وتكرار الفوائد لا يضير ولا يعيب حتى لو تكرر مرارا وتكرارا . |
أبو فهد
أخي أبو فهد الغالي جميل هذا التكاتف والمحبه بين أعضاء هذه الساحات جميل تكرار المواضيع ليش لا إذا كانت بهذا المستوى من الجمال ومن النصيحة الصادقه ومن العبارات الخالدة فما بالك من همسات أم حنون ناصحة صادقة في نصيحة إبنها أو بنتها فهذا فيه التكرار لازم مع الشكر للأخت شموخ فلها السبق في النقل دمتم جميعاً في حفظ الرحمن |
| الساعة الآن 09:45 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir