|
أنا ما كنت ناوي ارد على الموضوع بتاتاً لكن اخواننا المسلمين قالوا لي لازم ترد وتقول إن الإكثار من التمر فيه هلاك مثل ما قرأتم في رد ابوياسر على ألأخ غامداوي ويقولون .. العسل ممتاز خصوصاً على الريق ولو تاخذ ملعقة عسل وتحلها في ماء وتشربها ياسلام |
اقتباس:
الله يحييك يا ابا سامي تراحيب المطر وعدد ما حذف المحذفون بالمواعين وعدد ما بين مخيم الشميسي ومنتزه نيرا من شجر ومدر وحجر وعدد ما شرب بعض الناس من شاهي اخضر على لحم بطنه . اسفروانور هذا الموضوع بحضورك يا ابا سامي . واما اصحاب المواعين فمعهم حق ولا تقل لهم شي خل عود الضيف اعجر . وسلامتك . |
اقول اذكر الله مع الصبح ترى شيخ الربع اللي انت خابر يسلم عليك وارسل لك هذه القصيده مع سفانه الليلة اخواننا يقلون وين ابن صوهد ان كان ناوي يجي نطعمه من لحم حاشي إما يكن كابلي وإلا نسويه مضغوظ ولا يحاسب يقولوا يابطل شيخنا ابا من فرحته قال والله ماترد العزيمة وترى يقول إذا ماجاء الليلة لايلوم إلا نفسه |
ابا ياسر لاترد دعوة شيخ الربع ترى فرص العمر مرة واحده يمكن نلحق في طرفك ويمكن لا أتذكر سعيد بن شويل الكبير رحمه الله عندما كان يبيع التمر وعنده ذلك الميزان المعلق في كلّاب المرزح ليقسم جالوق التمر الى نصفين متساووين في الوزن لك مني كل تقدير واحترام |
اقتباس:
من يقدر يقل لا يا ابا سامي خاصة وانه فرح وحلف وما املك الا اقل لشيخ الجن تم تم تم وكثر الله خيرك . بيني وبينك ولا تعلم شيخ الجن رقبتي ما هي خوط قضب يخلف لو امتعطه وما املك الا اقل فوق العلم . |
اقتباس:
حياك الله يا ابا سعيد وحيا مداخلتك التي اسعدتني ويعلم الله انني في شوق إليك . وما من حيث الدعوة فهي امر ما املك الا التنفيذ ومن يقدر يقل لشيخ الجن لا . ذكرتنا يا ابا سعيد بذلك الرجل التقي النقي ولا ازكيه على خالقه ، العم سعيد بن شويل الكبير رحمه الله رحمة الابرار واسكنه فسيح الجنان وجعل قبره روضة من رياض الجنة . حجيت حجة الفرض بصحبته وصحبة العم احمد العباير رحمه الله رحمة الابرار ومعنا صديق العمر صالح بن احمد العباير حفظه الله . لم ارى مثل هذا الرجل في تقواه وصلاحه وحرصه التام على تنفيذ جميع مناسك الحج بكل دقة واتقان اضف إلى ذلك خفة دمه وتواضعه وعطفه علينا . شكرا لك يا ابا سعيد ولعل الله يكتب لنا لقاء قريبا . |
فائدة جيدة بارك الله فيك
|
اقتباس:
الله يحييك والف شكر على المداخلة لا عدمتك . |
الطرف الاول : عبد الله بن رمزي الليلة اخواننا يقلون وين ابن صوهد ان كان ناوي يجي نطعمه من لحم حاشي إما يكن كابلي وإلا نسويه مضغوظ ولا يحاسب يقولوا يابطل شيخنا ابا من فرحته قال والله ماترد العزيمة الطرف الثاني : من شاعر مرموق لم يسمح لي بذكر اسمه يا ابو سهيل ادعنا ذا الليل والا بنصوهد ولا تفكر اروح الليلة والا بنحاشي وانا ترى ودي اتعشا ولوكنت مضغوط اخاف بعد العشا ياجي لنا شيخنابا لكن يا صاحبي بصبر وعندي عزيمة . هاه وش رياك يا بن رمزي يجي من صديقي والا ما يجي .؟ |
على كل حال الحق راكبك يا أبو سهيل ولا معك منه مناص والخال والد ولو يصكك في الخد الايمن تعطيه الايسر ولا تساله ليش وسلامتكم يا ابو توفيق : خل الخد الأيسر على يمتي ... وبعدها أسأله كم عدد نجوم الضهيرة . |
| الساعة الآن 07:11 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir