يا مقلل(ن) قـَدري وقَدرك موفيه=مدري حرافة نذل ولاغشامه
أنا منزَّه عن جميع المشاريه=وانته لبست المهزله والرخامه
إن كان قلبك باسْوَد الحقد ماليه=والله ما تكسب يكون الندامه
وإن كان جرحك بالمحايل تداويه=وبالضحكه الصفرا وبا لابتسامه
خلاص ما تنفعك الاعذار يا بيه=حطيت في قمة جبينك علامه
خط(ن) عريضْ اسودْ ومكتوب تنويه=((خلك بعيد اِن كان تبغى السلامه))
مير الردى والخبث لجل ايش ادانيه=نفسي عزيزه ما تجيها الملامه
عزيز واللي باعني كيف ابا شريه=العز لبسني زماني وسامه
حر(ن) ولد حر(ن) ما يحتاج تنزيه= عز(ن) مشيد لا نهار القيامه
لكن هذا الوقت يا جاهل(ن) فيه=الحر صقر(ن) والهلامه ؛ هلامه