|
إن كنت صريح فعلاً تعال ...
( فلتسمح لي ارد عليك وتراني ماني شاعر الله الله لكن باتسلّى معك وخايف عليك من بن رمزي يصمخك بين عيونك ..) صريح جداً هذا كلامك في موضوع إنتصار الحق لبن جاهمه .. اولاً الله يحييك بين أحبتك في ساحات وادي العلي لاكن إسمك لم يخولك بعد لكي تتعدى على حدود الآخرين .. القصيدة موجهه لي أنا وأنت تعديت الحدود الأدبية ورديت .. هل أفهم من ردك أنه تحدّي إم تجاهل ؟ سوف اعتبرها هذه المرة زلة ضيف .. ولكن لايمنع من إختبارك وطالما أنت صريح فأنا أحب الوضوح ... البدع يقلون فا المنتدى شاعر وسيع المجالي يامرحبابه عداد السيل ما دام جانا قالوا لي إسمه صريح وللشعّر يتحمّس إن كان شاعر يرد ولا يبحلق لي بعيون اكيد بأعمي عيونه لايقل من عماها ربما لم تسمع بهذا المثل جنت على نفسها براقش |
انا جيت ابي اشوف كيف تعمي عيونه عشان اتعلم منك ممكن ؟ وصراحة انا ودي تصمخة على خنافرة تكفى |
على رسلك يابن رمزي
أنت ما صدقت يجيك الصريح جداً وودك تحط حرتك فيه في ظل غياب أبو رائد لكن الرجال ضيف جديد ورد عنك لما عرف إنك مشغول بالزواج وبدل ما تتقدم له بالشكر كونه رد عنك من باب العشم ترجع تقول : القصيدة موجهه لي أنا وأنت تعديت الحدود الأدبية ورديت .. هل أفهم من ردك أنه تحدّي إم تجاهل ؟ صحيح أنت ما صدقت تلقى لك شاعر يتقاصد معك لكن حلمك ولعلمك الشخصي رغم الأخوة التي بيننا إلاّ أنني سأقف في صف الصريح وسأشجعه وأشكّل رابطة لتشجيعة وسترى في النهاية أن شعبيته أكثر من شعبيتك ودمتم لمن تحبون |
ياخ عبد الرحيم اولا اللقافة في هذه الساحة ممنوعة منعا باتا ثانيا خل الرجال يعمي عيونه وش دخلك انت وبعدين ما حنا في ملعب الاتحاد تسويلي رابطة مشجعين طالما هو تليقف يستاهل اللي على بيت الحنش ياهبيده |
يالطيييييييييف الطف يقلون فا المنتدى شاعر وسيع المجالي يامرحبابه عداد السيل ما دام جانا قالوا لي إسمه صريح وللشعّر يتحمّس إن كان شاعر يرد ولا يبحلق لي بعيون اكيد بأعمي عيونه لايقل من عماها الحين بتبين الصراحة وينك يالصريح انا بقعد بالصفحة لين تجي ماعيني اروح من يوم شفت ردك وانا اقول في نفسي ماعين بن رمزي يعديها على خير بهواها تحمل ذا يجيك ولاعاد تعلها وانت يا عبدالرحيم صف عن طريق النيشان لايلحقك منه انت ابخص بعبدالله ولسانه مني |
الصريح جداا....معقولة حتى الان لم تطلٌع على بدع عبدالله رمزي .؟؟
امس قفزت على بدعي المرسل لابن رمزي وكان ردك رائعاااا وجميلا وبصراحة اخرعتني .. لان الشاعرية فيه كانت مرتفعة .. واليوم اشوفك مع بن رمزي مختبيء، صحيح انا لا اقارن بابن رمزي فانا حياالله (دندنة) وان كان ردك جاء على شفي وامتع قلبي واضحك سني ، الا اني اشوفك اليوم مرعوب من ابو سامي والرجال هبالك بدع خفيف حتى يشوف انت وين اتجاهك ثم يدلي بالثقيل .والله يعينك. عموما رائع يابن رمزي وننتظر الصريح وردة الذي اتمنى الا يطول. |
ياجماعة خوفتوا الرجال من عبدالله بن رمزي
اعطوه الثقة في نفسه خلوه يقدر يرد اللي يقل [ انا جيت ابي اشوف كيف تعمي عيونه] وأخر يقل [وصراحة انا ودي تصمخة على خنافرة تكفى] وثالث يقل [ وخايف عليك من بن رمزي يصمخك بين عيونك ..) ولما دافعت عنه لمعرفتي بطيبة عبدالله رمزي تقلون [ وش دخلك انت ] طالما هو تليقف يستاهل اللي على بيت الحنش ياهبيده ماعين بن رمزي يعديها على خير ، بهواها تحمل ذا يجيك ولاعاد تعلها هيا ذلحين ما دام انكم طيرتم الرجال واحد منكم يرد على القصيدة الله لا يهينكم |
بن رمزي .. إذا كنت قد تجاوزت الحدود الأدبية ورديت على القصيدة فأنا آسف وكنت اعتقد أنك ستقدم لي الشكر لأني كفيتك الرد على بن جاهمة وإذا بك تفتح صفحة خاصة ... و تقول زلة ضيف .. وفي أخر القصيدة تريد لي العمى وأخيراً تقول جنت على نفسها براقش لن ارد عليك لأني أحترمك وأحترم من حضر الصفحة مشجعاً أم متشفياً لكن الرد سيكون بلسماً الرد اليوم أنا جيت شاعركم بعد علم جالي اعرف بكل الطروق اللي مع انس( ن) وجانا اسمع كلام الصريح وبعدها تتحمس إن كان شعر إبن رمزي نبع فانا لي عيون قلوا له العين مجاناً ولا منع ماها تتحمس .. أي تنحمس من غزارة الشعر وقصد زي ما يعجبك ..وسنرى من جنى على نفسه |
يالالالالالالالالالالالالالالالالالاله يالالالالالالالاله
والله لشبت النار ... قلوا له العين مجانا ولا منع ماها والله رد مليان....... وين الشرايع وين ابن رمزي إن كان شعر إبن رمزي نبع فانا لي عيون اقول اعميتني من انت ياخة.. كلامك هيل..واعتقد ان شياخة الشعر بتنتقل من بن رمزي الى الصريح جهدا |
اقتباس:
والله هذه قوية ..... عنده نبع ... وعندك عيون . ( ماهي عين واحدة ) الله يستر !! تراك يالصريح ما انت قدّ بن رمزي .. حاول تعدّل نفسك وكلامك ترى الرجال نشبة . |
الظاهر ابن رمزي بعد راقد لكن عندي شيطان صغير يعني تقدر تقول عفريت واشغلني
فانا عندي رد يمكن يفض الموقف او يزيد النار اشتعالي وانا شاعر بدرجة صفر لكن هي محاولات للاثارة تعرفون اخوكم صحفي الرد: اشوفني حاير ٍ في وسط حرب سجالي كنت ارتجي الله وياربي لا تقطع رجانا بغيت اجنب عن البرد واحرقت يدي الشمس لا رحت يم الجبيل ولا بزور العيون الله تفضل علينا وربنا منعماها |
اليوم أنا جيت شاعركم بعد علم جالي اعرف بكل الطروق اللي مع انس( ن) وجانا اسمع كلام الصريح وبعدها تتحمس إن كان شعر إبن رمزي نبع فانا لي عيون قلوا له العين مجاناً ولا منع ماها نعم تعرف بكل الطروق حقت الأنس والجن شعر بن رمزي نبع وقد ينضب أحيانا أم العيون الغزيرة كشعرك فلن تنضب ياصريح وها أنت تستقي منها وتهبها لغيرك مجانا عاش الصريح عاش هكذا يكون التحدي هيا يابن رمزي ابدع للصريح وخل جماعتك ينفعونك محمد التابعي وبن جاهمة والمروني وصالح بن سعيد سأظل في صف الصريح |
اليوم أنا جيت شاعركم بعد علم جالي اعرف بكل الطروق اللي مع انس( ن) وجانا اسمع كلام الصريح وبعدها تتحمس إن كان شعر إبن رمزي نبع فانا لي عيون قلوا له العين مجاناً ولا منع ماها انا اشهد انك نشمي صح لسانك شككتني بثقتك الزايده بالصريح ياعبد الرحيم شكلك مالي ايدك الرجال يستاهل ومبين انه قد المنافسة لكن خلنا نشوف عبدالله شكل الساحة بتحتلج دمتم بخير |
أخي الفاضل / الصريح ماشاء الله تبارك الله محترف نجحت بتفوق في الرد خذ هذي وبعدها سوف أتركك مع بن جاهمة تعمل له تدريب أشوفه رد على قصيدتي شكله يقول إن ردك إي كلام ... وإذا تبي تغير القارعة أنت أو أنا ما عندي مشكلة .. ولا تزال ضيف لك احترامك بس أبي اقل لك كلمة واحدة فقط ( توقّع ) بن رمزي ما ابغاك تغلط ولا ودي تجي بالزلالي القارعة جت على ما أريد وعلى هوانا إن كان قابلت لك جني وفيكم تلبّس فالجن سكّنتهم بيتي وعندي يحلون حتى مجانينهم ياشيخ عندي شفاها |
اقول يالصريح علي عنك من صراحتك اهي بتزقيك على مناخرك اذا تبي نصيحتي ابعد انت بين جبلين ماتقدر تطولهم احسن لك لا تاخذها محثلة .. بس لي طلب عندك انت من ايات القرايا عشان ودي اعرفك اذا ممكن ؟ |
. ***** السلام عليكم ورحمة الله وبركاته وعليكم السلام ورحمة الله وبركاته الحمدلله والصلاة والسلام على رسول الله وعلى آله وصحبه أجمعين موفق بإذن الله ... لك مني أجمل تحية . كيف حالك إن شاء الله دائما بخير ؟ ألف مبروك .. لقد سعدت بهذا الخبر وعليكم السلام ورحمة الله وبركاته الحمدلله والصلاة والسلام على رسول الله وعلى آله وصحبه أجمعين الحمدلله والصلاة والسلام على رسول الله وعلى آله وصحبه أجمعين الميشع اختل توازنه وأصبح يدور في البيت ويتخيل المخيله ويهذري ***** |
بسم الله عليك , عليك اسم الله يالميشع ابشر الله يعينني باجي اخذ عمامتك واطلعبها للسدودي وان شاء الله اجيلك بالدوا ان الله يحفظك هذي عين ماصلت على النبي حسبي الله ونعم الوكيل |
شكل بن رمزي يحب الغزل لذلك سيكون الرد في هذا الجانب وربما البعض قلوبهم خضر أيضاً .. الرد يا صاحبي كم سقيتك دوم ماي الزلالي واليوم أشوفك تصد وعشقنا في هوانا باللول والماس والمرجان شفتك تلبّس طلعتك تسبي عقول الخلق يا مليّح اللون حتى أهل الأصدار ترقب طلعتك من شفاها وما دام طلبت التغيير من هذه القارعة ننتظر الأخ على يمكن يشاركني في قارعة جديدة .. وودّي بصالح بن عطية تراني قد سمعت له كم قصيدة بس ماشفته في هذي الصفحة ... |
حوب ما أستوت ..قعدة ..المخيله .. مثلي أنا .... قاعد .. متلثم في طرف الصفحه!! |
أنا متفرج ومعجب من تحول البعص شعراء
محاولات جيدة . كلمات عذبة تقرأ ولا تغنى بنفس وزن القصيدة الأم أنا بانتظار المزيد من شعراء الفصحى والعامية والشعبي والحديث والتفعيلة أين المحاولات الجادة لكتابة القصة القصيرة أين الحكاوي أيام زمان سواء من الواقع أم الخيال آمل أن تكون الساحات سبباً في اكتشاف المواهب سنلتقي لاحقاً |
إن كان شعر إبن رمزي نبع فانا لي عيون
الصريح لقد خانك التعبير في هذا البيت ..... فالنبع هو الاصل .......... والعين هو الفرع.... لان العين هي الماء الذي يخرج من النبع........ |
بدع ممتاز ماتطيح منه حرف ورد جيد جدا وفيه حروق وعلى بن حسن فى مدرج المخيله --
متلثم مثل هذا يكتب ويدون وتحفظه الاجيال وصدق الشاعر ولاتكتب بكفك غير شئ --- يسرك فى المقامة ان تراه تحياتى |
شكراً لك من شارك معنا الإمام ( أنا بانتظار المزيد من شعراء الفصحى والعامية والشعبي والحديث والتفعيلة أين المحاولات الجادة لكتابة القصة القصيرة أين الحكاوي أيام زمان سواء من الواقع أم الخيال ) طالما أنت موجود سننتظر كل ذلك منك .. وابشر بالفزعة .. علي بن حسن .. شكراً لك .. اجلس واستمتع فمثلك يزيد المشاركات بهاء .. ابو عبد العزيز .. هذه هي مقدرتنا ونسأل الله الغفران .. |
الأستاذ عبدالله رمزي وجميع الإخوان ما شاء الله عليكم صفحة رائعة ولكني أقول مثل أخي علي حوب ما أستوت ..قعدة ..المخيله .. مثلي أنا .... قاعد .. متلثم في طرف الصفحه!! بس انا قدام الشاشة والله يرعاكم |
| الساعة الآن 11:25 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir