ساحات وادي العلي - الشاعر جار الله السواط والشاعر مستور العصيمي

.

*****

رديه بين الشاعر جارالله السواط والشاعر مستور العصيمي

بدأها الشاعر
جارالله السواط

سلام الله عليكم من هجوسن عرفهـا يـزداد
وانا الليله معي رمح ومعي حربه وجنبيـه

تهيض يالعصيمي واعرف المصدار والميراد
تبا علـم الهـوى لكـن غشتـك الهواويـه

مستور العصيمي

الايامرحبا بك يالمسلم والسيوف حداد
عسى سيفك وجنبيتك في علباك مثنيه!!

احرفها واصرفها والبسها ثياب جـداد
لكن انته تسريها مع الـدار الخلاويـه

جارالله السواط

تقول وتعتزي لكن لايجمد عـلاك اجمـاد
ورى ماتنتبه للداب الاسود واخته الحيه ؟؟

تريّح ياعميلي واشرب الدله مـع البـراد
ترى ماكل رجـالٍ يجـب النـا بماريـه

مستور العصيمي

تحـرّص يالعتيبـي لايبـان النقـد للنقـاد
بعد جيت الطبيب اللي يبا ينجض لك الكيه

انا مزهب لك البندق وانا لازم لك المرصاد
يقولون العرب فالناجضه ماهي كما النيـه

جارالله السواط

انا عمك وانا همك ولاترتاح فالمقعـاد
وانا رجال افندي ماخطبت الا الافنديه

تراني محترص لابد صياد الفهود يصاد
وتراكم كلكم في وسط جيبي يالحراميه

مستور العصيمي

سمعت الاوله والعلم يبن العـم لاينعـاد
انا بنصحك وانت اختار في هذي وهذيه

ليا قلت لك عان الدرب تركبها بغير شداد
مرار اطيح في حفره ومر اطيح في ضيه

جارالله السواط

سمعت الاوله والثانيه ماني غريب بلاد
وانا ماني حونشي لعنبوكم يالحونشيـه

اكبسها والمسها واملي بطنهـا بالـزاد
وافصل ثوبها ها ثم الحفها السداريـه

مستور العصيمي

ترى هذي غريبه عندنا ماجالها نشـاد
على راسك توقع قنبلتك الهندروجيـه

بغيتك تعرف المعروف ياحامد وياحماد
يابوتكبير كيف اطير انا لازمك بيديـه

جارالله السواط

انا مابدعي بالزور لكن سدد الاقصاد
علاك اديون واجد وانت قدامك فداويه

تعدل واعتدل قدام لانفرشك بالمجلاد
تبا تعطي كرى ولا تبا درب اليمانيـه

مستور العصيمي

علومك يوم افكر في علومك مالها عداد
ولو حللتها ماهيب مبيوعـه ومشريـه

سقى الله ديرة المياسه اللي جابها المقداد
وانا مانيب راعي رعية ٍ ماهيب مرعيه

جارالله السواط

علومي ثابته ماني بسواتك مخلف الميعاد
تعرف الزيدي اللي ظاهرٍ من بطن زيديه

ليا منك بنيت الجدر ماني للجدر هـداد
ماحدك للمشاكل ياعتيبـي مـن عتيبيـه

مستور العصيمي

صحيح انك من زيود اليمن واعجل المعواد
يقولون العرب ماعصبت راسك عتيبيـه!!

انا عمك ليا طال النهار وصار قدح زنـاد
بعد ضيعتها مابين حـر الشمـس والفيـه

جارالله السواط

انا جدي عتيبي تعرفه غصباً عن الحساد
عساك بقنبله تحرقك ياشاخ الحسوديـه

ليا شبيت نارك جالها الهمال والرعـاد
يطفي ضوء نارك ثم تسكب دمعك شويه

*****