للبيع
للبيع قلبي .. من يحبه و يشريه
مبطي و هو فوق الرفوف الحزينه . . من حاله ابحاله و لا لا و لا ايه كذا على الفطره يعيش بسكينه . . يموت من فارق و يحيى ب لبيه و اكبر طموحه دمعته لا تهينه . . بعض الدموع إن جرها الهم تِبكيه و بعض الدموع إن هلّها ما تعينه . . اهدى من الغيمه على جرهد التيه و ارق من همس الخدين لخدينه . . محتار انا منّه و محتار انا فيه حيره بحيره حتى إن غاب وينه . . أسئل عليه اطول ضلوعي و اسميه و يطل خايف و يتسأل بيدينه . . ادعيه ما ياتي و اذا الحب يدعيه ياتي و لا عبّر حدود المدينه . . يكتب صبر لو سود الايام تمحيه ما زاد قشر التين مكنون تينه . . ادخل على الله لو ذبحني تغليه يمشي على ما تشتهي نور عينه . . و لا بارك الله بالهوى وين اوديه لا من غدت كل المشاعر دفينه . . حاولت احده و اردعه عن موانيه و عيّت تطيع الاشرعه و السفينه . . يا خِبل قلبي .. كل ما قيل يا هيه قام يتلفت يحسب انّه ضنينه . . ابطى على حاله و رجواه تكفيه و الا علامه ما شكى من سنينه . . قلبي اهو قلبي و اذا كنت تبغيه إره الغلا و ادفع ضريبة حنينه |
الساعة الآن 04:36 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir