ساحات وادي العلي - عـــــــــــروق الطـــــــلح

صحيح الليل ليلي/ طال ليله /والظلام ازداد
..................نثرت الدمع في وجه الظلام/ ولا استفاق الصبح
عجزت اضبط عقارب ساعتي/ في لحظة الميعاد
..................وعجزت القي لكفي في صميم (ام المعارك ) رمح
اقود بمفردي احلام/ والاحلام ماتنقاد
................................تفك قيادها/ واشوفها بالغيم/ تجمح جمح
يذيرها الهوا العالي /ويرجاها شجر وعباد
.................... ولايقدر يروضها سوى الصبر بــ..عروق الطلح
يجافيني الزمان /ويستلذ بسرقة الاعياد
.................................ولاهي كل زله يازماني/ تستحق الدمح
مسافر/ والرحيل اللي تغشاني وطن وبلاد
............................خيوله في عيوني/ لابغيت النوم ترمح رمح
وقفت على اليباس الجــُرْد/ يوم ان السنين شداد
.............................ومن دمعي/ تزاحم في زواياها /سنابل قمح
نهضت استجمع عزوم العمر /وافكك الاصفاد
..........................ولمحت الموت ياشر لي بيديه /ولاقويت اللمح
انا الطفل الغريب / اللي مشى في موكب الرواد
......................... نسي في قريته مرسم /ودراجه /ووجهً سمح
وانا الوجه الشحوب/ الممتلي هم والم وسهاد
............................. حداه القيظ/ لين انه تظلل في سحابة ملح
امانه دون اسمي ياوطن/ في سيرة الأولاد
............................وامانه لوني صبرك بدمعي / ياعروق الطلح