ساحات وادي العلي

(1)
وش آتغزل ياغزل .. !
طاحت سواليفي على حظنك ..
وجفني طاح ..
وإسترخَى كسل .

وش آتغزل ياعسل ..
و(الشهد) نحل الشوق من حُسنك جنَاه ..!
ومن رحيقك..
سافر العطر ورحل .

وش آتغزل والزعل -
إليا زعلتي ،
يستعر فيني زغاريد وطفولة ..!
تزعلي ..
وآموت في (هيك ) مهبولة ..!
يعني مقبولة
ومقبولة
ومقبولة
ولا فيها .. جدل .

(2)

صمتك.. أنا أدري وش وراه ! .
مليون آه ..محاصره في آهتين .
آه .. لعيون الحبيب -
وآه .. من سطوة هواه .

ياهوه .. ياذا الفاتك المزّا ح -
زحزحتني عن ثقل أبوي آدم ،غصِب ..
وأشغلتني ( حسبي عليك ) بحفلة التفاح .
قل : ماتبي ترتاح ؟

قلي : متى تهدا الظنون العاصفة ..؟
ومتى تصدق إن عشقي إنت وأصل السالفة .. ؟
وإنك إذا قررت مرة تحتويني ..
ممكن انك تحتويني ..
وتنفرد بالباب والمفتاح !! .
قل : ماتبي ترتاح ؟

إهدا ، أباشعل فيك صمتي .
أُطرد الوسواس ..وسوس بي ..!
وعشني ،
وروق من عصف الرياح .
وقل : ما تبي ترتاح ؟

إرتاح ياقلبي..
كفاك اللي جرالك من زمان فات ..!
خذني وبلا هذا الشتا ت .
خذني، وحن ياقلبي على روحك..
وريّح هالجناح..!
وإطفيّ المصباح