ساحات وادي العلي - الشاعره المبدعه سماح الفاضل والوطن

من نحر جود العواطف
من نحر جود العواطف ساقني رد(ن) غيور
لا لا يمكن يا السوافل..! تزرعون الكره بي
من جدود الطيب وآنف الشموخ اللي يثور
جــــاد له نطق الشهادة والصلاة على النبي
احتمي بالدار هاذي من غلاها لي جسور
اعتلي عن خشـــــم أبوكم ولا أبوكم معتبي
رافعه راسي حميا والدوافع في سطور
خّلو حكاكــــم عليكم كل حكي(ن) هو غبي
الله اللي خلى فينا ..أمن أمة ما تبور
في رضا شعبٍ سعودي وفي رضا من هو يبي

جاعلن فينا قيادة بالعدل حتماً صقور

وفي وجيه الكل منا بسمة الحب الصبي
في ملكنا كم يجينا من كرم جوده شعور
وكم لمسنا في كلامه طيبة الشهم الأبي
أبو متعب هو غلانا ولا نساوم أو نجور
دام أبو متعب أبينا في الدماغ اليعربي
ودام فينا ومن خلاله 0 من خلاله لا قصور
نطعم المــــــــــوت بيدنا ولا يعيش المختبي
ودام نايف ( رحمه الله ) في ولانا . راس حربه للشرور
ندفع لموق الحراسة..عسكره في اللي يبي
وما يجينا خلاف وده..والسرايا في النحور
للبطولة مستعدة .. وللأوائل تعتبي
لا جرس ينذر هنيا 0 ولا جرس أمر محظور
إلا داعي يبتغينا نــــــــــرسم الحلم الضبي
دافعينه يا ملكنا لأجل عينك والسرور
من سواعد شعبك اللي ما يضــــام ولا يهبي
ولا نصدق أي حاقد 0 غايته طعن الظهور
من ورى هرجه كذوبة ومن وري جهل يحبي
وما نجامل لو رأينا منا واحد هو يدور
نعرف بلوي الذراع اللي تعدى.. وش يبي
من جنوب الطيب حنا.. فزعتك وإحنا الحضور
يلمع بعين البسالة .. حبنــــا لك .. مضربي
وما تطوف بنا شماتة ولا تربعنا الغرور
وما نكسنا رأس وحده شملها منا 0 ربي
ندحر الحظ ألردي ونكسب الجولة مرور
للمعالي مطمع(ن) يحترينا بالعبي
وللوطن في كل دربٍ له مكانه ما تبور
ولو يبور الكل فينا ..الوطن يا (مكسبي)
اعتزاز الضلع هذا منبعه شخص(ن) غيةر

ولا لا يمكن للدوافع مهما قالوا : جربي

من قصايد سماح الفاضل