|
ما كل رجالن بها الوقت رجال ولا كل رجالن على الطيب ضاري
ياهاجسي خذلك من البن فنجال علّـك تجيـب... النايفات ...العـذاري سولف معي ويحلها الف حلال وأطرب على صوت الحطب بالوجاري ياهاجسي زلزل على كل زلزال النار.. تبـدأ من صغـار الـشـراري.. ما كل رجالنّ بها الوقت رجال ولا كل رجآلـن على الطيب ضاري.. أحدن يقول الطيب للجدّ والخـال وأحـدن بطيـبه كـل مخـلوق داري.. أحدن بنى في قمة المجد منزال وأحدن بنى بـيته علـى جـرف هاري .. أحدن بكفه مرتوي عذب وزلال وأحدن هماج القـوم فـي دمـه ساري.. أحدن بطيبه مكتسي بشت وعقال وأحدن من سلوم الرياجيل عاري .. أحدن يجي طاريه في كل موال وأحدن يموت ولا يـجي فـيه طـاري.. ماكل من يهبط مع الناس جمّال ولا كل من ياقف على البـيع شاري.. الصاحب اللي مايجي طيب الفال وياقف معـك لا من حـدتـك الطواري.. لن ماوقف بالنفس والجهد والمال جعـله عشا للجـايعـات الضـواري.. ماله مع اهل الطيب مخرج ومدخال وما هو من اللي ينطحـون الغـداري. يهـوى كثيـر القـيل ويـزود القـال ولن جـاء يميني قـلت عـود يسـاري. الوقـت هـذا بـين طـيب وبـطّــال الذيـب يعـوي والجـعاري جعـاري.. اهـوال في الدنيا وياكثر الاهـوال لاصار وكر الصقـر عـش القمـاري .. بعض الكلام اصعب من الموت قـتّال يقـتل كـما تقتل طعـون الشبـاري .. راقت لي وحبيت انقلها لكم |
صحت ذائقة الناقل على جمال المنقول وصدق شاعرها ودام بالخير ناقلها مودة وتقدير وبانتظار جديد بن جزاء |
الغالي مشرف 3 الشكر والتقدير لمرور المشاهدات 27والرد (1) ولو كانت احدى الاغنيااات لوجدت اكثر من رد ؟؟؟؟؟؟؟؟؟؟؟؟ |
شكرا لك ياابا احمد على هذا الا ختيار لتلك القصيده الرائعه وماتحمله من جمل بلاغيه جميله وصوركلاميه رائعه ومقاطع تشبيهيه تنطق بنفسها |
الغالي ابوعالي 000 لك الود لمرورك العطر |
اقتباس:
آآآآآآه ياأباأحمد كلنا نشكي من الصاحب ! سامحك الله، لقد نقضت بها جرحا بالكاد اندمل ، لك الود . |
ابو عبد الله 0000 لابد ان يجود لك الزمان بصاحب ينسيك ما مضى وهذه سنة الحياااه شاكر ومقدر مرورك |
أحدن بطيبه مكتسي بشت وعقال وأحدن من سلوم الرياجيل عاري .. أحدن يجي طاريه في كل موال وأحدن يموت ولا يـجي فـيه طـاري.. ماكل من يهبط مع الناس جمّال ولا كل من ياقف على البـيع شاري.. يا أبا أحمد هذا الشاعر صور الرجاجيل بكل دقة ...صحيح الناس مقامات ، وأجملهم ذلك الرجل الذي إلى جاء طاريه في غيابه ذكروه الناس بالخير لك عاطر التحية وإختيارك موفق . علي بن حسن |
الصاحب اللي مايجي طيب الفال وياقف معـك لا من حـدتـك الطواري.. لن ماوقف بالنفس والجهد والمال جعـله عشا للجـايعـات الضـواري.. ماله مع اهل الطيب مخرج ومدخال ابو احمد نعم الاختيار والذائقة وما راق لك راق لنا ولامس المشاعر وحرك الجراح .... والله المستعان لك ودي وتقديري |
الغالين 0000 ابو حسن 0000ابو أديب الشكر والتقدير لشخصكم الكريم لمروركم العطر |
| الساعة الآن 12:11 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir