|
قصه حقيقيه صدمتني واعجبتني ...
قصة رائعة
قصة صدمتني وعجبتني قصة حقيقيه في اولى ابتدائي في مدرسة شمال الرياض انه في يوم الثلاثاء او الاثنين ماني متأكد ان طالبة في اولى ابتدائي دخلت المدرسة وعندما وصلت الدرج وقفت قليلا وفتحت (كيس)كان معها ونظرة الي داخل الكيس وضحكت وشاهدوها المدرسات واتت اليها المدرسة وقالت:وش انتي شايلة معك ولا قدرتي عليه اساعدك قالت الطفلة وهي مبسوطه :لا شيلي شنطتي وابشيل اخوي انا بوريه زميلاتي تقول ...ماصدقوني يوم قلت لهم ان امي جابت لي اخوي حلوووووووو طالعت المدرسه للكيس وهي ما صدقت الا والطفل (ممدد) ونايم (مدري من الدوخه ولا من تصفيق الجدران) المهم اتصلوا على البيت وردت الام وهي تبكي قالت المديرة:بنتكم جايبة اخووووها معها للمدرسة الام ماصدقت وقالت: الحين الشرطة عندنا وشالوا الشغاله احسبها سارقته ومروحته مع احد السواقين او عمال الشوارع تعجبني والله البنت ماعندها وقت جابت الولد لحد المدرسة علشان يصدقون لكن الله يخلف على هالام اللي نايمة وجت هالبنت ودربت هالولد في الكيس ومشت ولا السواق اللي وصلها للمدرسة وتلقاه بعد شايل الكيس عنها |
قصة مضحكة محزنة في آن وقد تخيلت موقف الطالبه وزميلاتها والمدرسات وفي المقابل الأم والأب والشغاله والشرطه دمت لنا ياماجد ولاعدمناك . |
رائع ياماجد قصه مضحكه ومبكيه في نفس الوقت محزنه لان الام ماتدري عن ولدها الصغير وكلت الخادمه والسائق في كل امور البيت والاولاد وماخفي كان اعظم نساء اخر زمن لسن مؤهلات لحمل الامانه تقبل مروري ودمت بود 0 |
ابووو ناهل ...
شرفتني بمروووورك الكريم ... |
ابووو خاالد ...
شااااااااكر مرووورك ... |
صدمتك . و . اعجبتك . و . اضحكتك لك الحق يا ماجد وشر البلية ما يضحك والله ما ادري اضحك من براءة الطفلة المسكينة ام احزن لحالها مع امها بالتاكيد الطفلة خرجت من البيت في توديع الخدامة واستقبال السائق والام نايمة كعادتها اين قلب الام واين قوامة الرجل وماذا ستجني الام والاب من هذا التهاون فلا غرابة اذا قوبلوا بالعقوق ماجد حُق لك ان تُصدم وحُق لك ان تعجب تقبل تحياتي بود |
ابو اديب ...
شاكررر اضافتك الجميله ... شرفتني بمرووورك ... |
رحم الله والدك لقده كان يوزع الابتسامه الصادقه على كل من يقابله وانت شبل من ذاك الاسد عليه رحمة الله 0 واختيارك وعرضك رائعين بروعتك 00 |
العم ابو صااالح ...
رحم الله والدي ورحم جميع اموووت المسلمين... زاادني شرف مرووورك الكريم .. كما زادني فخررر بتذكررر والدعاء لواالدي ... جزااااك الله خيررر ابووو صالح ... يعطيك الصحه والعااافيه ... |
| الساعة الآن 03:42 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir