ساحات وادي العلي - محاورة عبدالجبار المالكي ، حسن الدوسي 8-5-1432هـ

بسم الله والحمد لله والصلاة والسلام على رسول الله . وبعد :
في مساء يوم الثلاثاء الموافق 8-5-1432هـ قدر الله أن أجتمع بأخي ورفيق دربي الشاعر / عبدالجبار بن جابر المالكي ، وذلك في رحلة سعيدة على خط المدينة المنورة .

وفي تلك الرحلة السعيدة جرت بيني وبين أبو جابر محاورة على لون المجالسي يسعدني أن أعرضها على أنظاركم في هذا الموضوع مع وافر الإحترام والتقدير للجميع .

- محاورة بين الشاعرين ( عبدالجبار المالكي ، حسن الدوسي ) 8-5-1432هـ

بدع / عبدالجبار المالكي : =
ابااجبر السّاق واطرُد خِطوته وإن توانا=
في قدرُكُم ما حسبنا لو تحدّتنا الاقدار =
بعض الخلايق يلوك الهرج ما بين نابين=
الله ما حبّني فاللي هروجه صداقه=
--=
رد / حسن الدوسي : =
ما كِنّ ربِّي خلق للصّحبَه إلاّ انت وانا !=
يا عبدالجبّار يا مِن زاد حظّه والاقدار =
الطِّيب والوِدّ والمعروف ما بيننا بين =
نعيش ونموت ما ننسى علوم الصّداقه=
--=
بدع / عبدالجبار المالكي : =
يا صاحبي وانت ضِمن اصحابنا المونسينا=
قلبي يحُبّك وانا ماني حسودي وجبّار=
لك الله انِّي انتظِر ذالوقت من يوم الاثنين=
الرّاس يُحكُر في الابيات وبكيف راقه=
--=
رد / حسن الدوسي : =
درب الهوى لو تطوِّل هِجرته ما نسينا=
والليله بااعلِمك عن مافي ضميري يا جبّار=
الصّاحِب اللي حِفِظ سدِّي ومليوم لأثنين=
من يوم سافر وانا اتحرّاه وابكي فُراقه =
--=
بدع / عبدالجبار المالكي : =
نهاني آبويه عن درب الخطأ وانتهينا=
لو استمرّيت يمدينا دخلنا فالاكدار =
لكنِّي آحُسّ في قلبي كثير الوناوين=
اخذت لي مِن تهاويل الليالي علاقه=
--=
رد / حسن الدوسي : =
حسن يقول : وين انا يا صاحبي ؟ وانته اينا ؟؟=
الكُلّ مِنّا غدى في ديرةٌ ، والفلك دار !=
ما دِمت يا صاحبي عنِّي بعيدٌ وانا وين =
وِش لون بااواصِلك حتّى تدوم العلاقه=
--=
بدع / عبدالجبار المالكي : =
ياصاحبي لا تطاوع كُلّ هيَّام شينا=
اللي هروجه علينا في وروده والاصدار =
عسى فوادي كما ثوبٌ زيون المزايين=
ثوبٌ جديدٌ من الخيّاط وحلي بناقه=
--=
رد / حسن الدوسي : =
إنكان تبغى الونس للخبت هيّا مشينا =
آخير لك مالجُبال اللي نشيبه والاصدار=
فالخبت تلقى الونس وتُشُوف ذود المزايين =
وإنكان تبغى الرِّوى تشرب مِن احليب ناقه =

--=

وسلامة الجميع ؛؛

ولا تنسونا من كريم دعواتكم وأجركم على الله وحده .

وصلى الله على سيدنا محمد ؛؛

حسن الدوسي
صباح الثلاثاء 15-5-1432هـ