لا اله الا الله
الهم صلى على محمد
اعوذ بالله من ابليس اللعين
توحيد المنديات ماهو مقبول وليس في مصلحتها .. وكل منتدى له طريقته وله ناسه والشخص له الحريه في الدخول للمنتدى اللي يعجبه .. وانا متفق مع ما قال ابو خالد .. وانا معه ولا أؤيد اندماج المنتديات لا لشيء في نفسي وانما لكي نبقى اخوة متحابين بعيدا عن الضوضاء والمشاكل وبالاخص عند اختيار الاداره والمشرفين .. وارى ان يبقى الوضع على ماهو عليه الان لنستقي من اربعة مناهل مايفيد .. ومتى ما احس الانسان انه مرغوب فيه في منتدى معين سيتجه مباشرة له ومتى ما ضاق خلق انسان من منتدى تحت اي سبب سيذهب للمنتدى الاخر بدلا من ان يخرج لوكانت موحده ونفقده .. وياليتها بدل اربعه تكون عشره والجيد يفرض نفسه
اما الاداره فمعرفتهم لا بتزيد في اعمارنا ولا بتنقصها .. ولابيفطر نخل في روسنا اذا عرفناهم ولا يهمني منهم .. وانحن مانحتاج من يديرنا انحن ندير نفوسنا وكلنا متعلمين وفوق كلمة مدير وغيرها .. وبعدين هل يوم فتح الملك عبدالعزيز الله يرحمه المملكه ووحدها جاب واحد يحكم بدله والا كيف .. والله لاحترنا نصدق من انه مايعرف الاداره .. مره واحد يكتب وأنا لا أعلم ولا أعرف أحدا منهم .. والثاني يكتب فنحن نشتمّ رائحتهم .. وهنا
اقتباس:
المشاركة الأصلية كتبت بواسطة أحمد بن قسقس
أخي العزيز ساهر الليل : أحييك على هذا الموضوع الرائع والممتع ، ولولا الزعل كان تعدينا الأخطاء الإملائية إلى الأخطاء النحوية ، لكن أحد أعضاء الإدارة جاءني البيت وحكى لي قصة عضو بأحد المنتديات يقول : بأنّ ذلك العضو ظلّ يصحّح للأعضاء أخطاءهم وينتقدهم حتى نفر الكثير منهم من ذلك المنتدى .
|
ياهوه ترى الانسان ينسى وحليلنا مما نكتب وننسى .. والله يكفينا شر ساهر الليل جالس لنا يحصي الاخطاء الاملائيه خل النحويه حدث ولا حرج .. وترى القيل والقال كثر وزاد .. وخيرة الله عليكم فكونا من هذا الموضوع وانا والله لاعجبتني ردود الوالد نائف والله يكثر من امثاله .. خلونا نستمتع بكتابات الاعضاء وترى الواحد منا يغيب اربعه خمسه شهور هم عود يكتب سطرين والا ثلاثه وتعب .. وخيرة الله عليكم سامحوني ولا تزعلون مني وسامحونا