تعالوا معي لنتذوق الشعر بجميع انواعه .. وليشارك معي كل من لديه هواية الشعر سواء مما يكتبه أو مما يروق له ..
وسأبدأ أنا بهذه القصيدة للشاعر خالد المريخي ..
ما جاء على بالي خطاك أنت بذات..
لا تعتذر كافي يجي منك أكثر..
مات الغرام اللي لك بداخلي مات..
ما عاد ينفعك العذر لو تعذر..
ما أقدر خلاص أتحمل اليوم غلطات..
ما أكذب عليك انا بديت أتغير..
بسكات أنا جيتك وباروح بسكات..
ابا أبتعد وباقول هذا مقدر..
قصرت وسواتك معي ماهي سوات..
هذا مع اني فيك ما كنت أقصر..
طوفت لك مره ومره ومرات..
صبرت بس اليوم ما ظني باصبر..
واليوم أنا نادم على كل ما فات..
لا تعتذر ما دام عذرك تأخر..
هذا جزاي أعطي ولا أقول لك هات..
انا اللي استاهل يجي منك أكثر..
أنتظر مشاركاتكم ..
لكم تحياتي .. دمتم بخبر ..