ابوناهل هذه من روائع بليغ حمدي
خليكوا شاهدين
لفايزة احمد
خليكوا شاهدين على حبايبنا.. خليكوا شاهدين
بيدوروا ع اللي بيتعبنا.. خليكوا شاهدين
وبقى لنا سنين في الهوى تايهين
ما احناش عارفين نرتاح مع مين
وحنشكي لمين.. غير حبايبنا
دول سايبنا.. خليكوا شاهدين
***
جرحونا الأحباب.. جرحونا
ورضينا بجرحنا وفاتونا
ولا منهم عايزين يداوونا
ولا خدنا م الحب نصيبنا
عرفنا الاه.. و قولنا اه
وجانا الشوق ياخدنا.. وخدنا معاه
***
في هواهم ياما اتحيرنا.. لكن عمرنا ما اتغيرنا
حنستنى ونستنى.. لحد ما يسألوا عنا
حنستنى ونستنى.. ياريت العمر يستنى
***
عدينا بحورهم عدينا.. وحدفنا الموج ولا حسينا
و لا رحنا معاهم ولا جينا.. وسيرتهم مش عايزة تسيبنا
وبقى لنا سنين في الهوى تايهين
ما احناش عارفين نرتاح مع مين
وحنشكي لمين.. غير حبايبنا
دول سايبنا.. خليكوا شاهدين