جتني رسالة من صدى خافق الروح *** وقريتها بإحساس قلبـي وروحـي
قريتها وانهدّت قصور وصـروح *** وأنا من أول عالياتـن صروحـي
تشكي تقول القلب يا حمود مجروح *** ما تدري اني غايراتـن جروحـي
تهلّ دمع وترفع الصـوت بالنـوح *** واللـي فقـد غاليـه لازم ينوحـي
ما كلّمتني يمكن الصوت مبحـوح *** من النوح وإلا ما استطاعت تبوحي
جتني رسالتها بها دموع وجـروح *** وانهَد باسباب الرسالـة طموحـي
تقول ياحمود الزمن صار مفضوح *** والشيب فيني لـو تشوفـه يلوحـي
يا بو علي مالي بالأغراب مصلوح *** مادام قلب اللـي نحبـه شحوحـي
ودّي بشوفك دام الأعمار بفسـوح *** قبل الرحم يا خوي منـا يروحـي
زلّ الزمان اللي به أفراح ومـزوح *** أنخاك تكفـى لا تظنّـه مزوحـي
وبعد الرسالة صار بالقلب ذابـوح *** طار المنام وصار فكري يشوحـي
أختي رسالتها لها القلـب مفتـوح *** كلّي لها والقلب ينصـت ويوحـي
أقولها ودموع عينـي لهـا فـوح *** وسط المحاجر دمع عيني يفوحـي
أجاوب الورقا على عالـي الـدّوح *** وأنوح من فرقا الرفيق السموحـي
والله لو إني وسط الأطباق مذبـوح *** لأظهر كما خطو الحصان الجموحي
وأقول يا عين المها ما بها شـروح *** لو تطلبين الروح تفـداك روحـي


يذكرون بإن أخته تزوجت من رجل و قد حرمه رؤيتها عشرين سنه بسبب تواجدها في مدينة أخرى أيضاً الزوج متعمد ذلك .

و يذكرون بإن الشاعر سجين بسبب إنه قتل ( زوج أخته ) لإنه حرمه منها و كان يعاملها بقسوة و يضربها و يهينها فـ شكت لأخوها و فاح الدم عندهـ و قتله ، و القصيدة مكتوبه و هو سجين .

الحقيقة إن الشاعر قد وصل القمة في هذا البيت :-

> والله لو إني وسط الأطباق مذبـوح *** لأظهر كما خطو الحصان الجموحي

أيضاً عبر عن مشاعر أخته بقوله :-

> زلّ الزمان اللي به أفراح ومـزوح *** أنخاك تكفـى لا تظنّـه مزوحـي

مداخلاتكم تُنير و آرائكم بها نستنير