صباحكم / مساكم الشوق ..
هذه رائعة اخرى للشاعر خالد المريخي ..
شـفـــتـــــــــــــــــــــــــهــا
شفتها من عقب ما غابت سنين
جت تقل متردده ثم أرجعت
وقمت أناديها : أبيك بكلمتين
واستخارت واستدارت وسمعت
قلت : قولي علميني وش تبين
قالت : أصبر قلت: يكفي واجزعت
قالت : انت تبين أنك مستهين
وانت روحك من عنا البعد أطلعت
زين ابسأل : دام قلب ما يلين
ليش عينك يوم أقفيت أدمعت ؟
قلت : أنا باسي قوي لو ترجعين
صدقيني عمر نفسي ما خضعت
وكان قصدك دمعتي لا تفرحين
شعره دشت بعيني واطلعت
دمتم بخير
..