تركتني والقلب ينزف ،، وصديت
مدري طعنت القلب ، ولا نحرته !!
ياللي نسيت الحب مدري تناسيت
بذكرك بالماضي ، اللي نكرته
الاولــه ،،، عمري أبد ماتغليت
وليل العنا ، في غيبتك كم سهرته
والثانيه ،، آخلصت لك ، ماتخليت
وآنت اللذي فيك الوفاء ، ماخبرته
والثالثه ،، آعذرك دايم إذا آخطيت
وآنا خطاي ، تّكبره ،، ماغفرته
والرابعه ،، آتعبت نفسي ، وعنيت
قلبي علشانك ،، ولا قد شكرته
والخامسه ،، عادي إذا عنك آبطيت
وانا التعب في غيبتك ، ماقدرته
والسادسه ،، آدمح خطاك ،، وتمنيت
تدمح خطأ قلب ٍ في حبك آسرته
والسابعه ،، نسيت إسمي ، وزليت
ماتدري إن إسمك في قلبي حفرته
معقوله يعني ، كل هذا ، ماحسيت ؟
في صبري اللي في غرامك ، صبرته !!
بيني وبينك فرق ، ياللي تماديت
آنته نسيت الحب ، وآنَــــــــا ذكرته
ندمان ، ياللي في غرامي ، تسليت ؟
قلب ٍ غدرته ،،، ذنبك أنك غدرته
تبي الخلاصه ؟ خذها مني في هالبيت
إقراه ،، وتعرف قيمة اللي خسرته
آول ، عروق القلب ، تفرح أذا جيت
واليوم مات الحب ، وآنته قبرته
شعر متعب الثقيل