الله يصبحكم بالخير يا وادي العلي
والله اني من المتابعين لهذه الساحات من مدة رغم اني من وادي فيق
ولكن شدني ذا الموضوع مرة واقول الله يعطيك العافية يا ابو رزق يا ماشا الله عليك كلهم عليك ولازلت تناقش وانا والله اقتنعت بكثير من الي تقوله وخاصة يوم يقولون الحريم كانوا يركبون الخيول والجمال من زمن النبي هذي اقنعتني مرة فيها الله يعطيك العافيه والله يعينك على بعض الردود الي ترفع الضغط صراحة
وانا اقول للي يبغى الحريم يسوقون وش فيكم تدافعون عنهم لا يكون انتم محامين ياليتكم تدافعون عني وعن اشكالي الي ما بقينا مكان مادورنا فيه عن وظايف والله يا الحريم انهم عايشين ومبسوطين ليتكم تدرون ان حتى الوظايف اخذوها منا الحريم وقطونا بالشوارع وآخرها هذا مجمع العرب والله انهم يقبلون البنات ماكملوا الثانوية وانا متخرج من الكلية التقنية وعندي دورات انجليزي ولا يعطونا وجه لكن الله حسبي عليهم
لايكون ما عرفتني يا ابورزق خويك ابو زايد باقي اتذكرك في الثانوية كنت انت ثالث وانا اول وما نسيتك يوم نصحتني ذاك اليوم في تهامة وحذرتني من الشباب الي من الشرقية اكيد تذكرتني الله يوفقك والله انك كنت صادق ومن يوم اخبرك وانت طالب مؤدب وذكي وتأخذ الجوائز دايم الله يذكرها ذيك الايام بالخير
خويك ابوزايد مدور وظيفه والله يرزقني