الا يالله ياهــــــادي دلـيـل = محيث البرق في ساعة قليل
بنى سبعٍ على سبعٍ قطاب = إلا قادى الجبايه والضباب
بنى الكرسي وربي له عماد =وجود فيه من زين الجواد
بــنى مـبـنـاً ولا حــيٍ بـنـاه = ولا يرزق ولا يغني سواه
بنيت القاف من لزات ضير = ومن حالٍ على جنبي ضرير
لزم راسي وطاح على الجنوب = وعادت من مناديره عطوب
ألا يــالله في هــبـات ريــح = الا يــارب لـعجـم والفـصيح
مغان الطير في نهج القفـار = إلا ماشــل جـنحـانـه وطـار
ألا يالله في لـيك المـصـيــر = ألا ياجابر العظـم الكـسيــر
ألا يـالله تغـفر لي الــذنـوب =إلا ممسيت مطروح الجنوب
فلا حالٍ يدوم على الحساب =فتـكـتب لـي ثوابـك والـجنـان
ألا يــا لله تــرحـم والــديــه =وترحـم من مـعـه حــقٌ عليه
أنـــا بــت أتفــــكر في المنـام = على شيمة مطاليق الرجال
ونا ريـت الرجال مقسمين = ففــــيهم واحد ســـاط اليمين
وذا لا هو ولا هو للرفـــيق = يمــشي الحال ويشادالطريق
وذا فــسلٍ قطع ربي رجــاه = ولاعــشــّى غريبٍ من عشاه
وبيت البخل له حضٌّ ضعيف =إلا ماتــــاعه الرايد وضــيف
وذا جـيـد غـرم ربـي علــيــه = من الجودة ولا كلت يديــــه
ومرسى الجود من عهد الجدود = لاملوك العرش تبدي له شهود
وذا جيد غـرم ربـي عـلـــيـــه = من الجـــودة ولا كلت يديه
عروق الــذل لا تعزى عـليـــه = إلا مـا جبت به تعمى عليه
تــرو نـمر المراصد واللحـوم= ولـه نـجمٍ يــديـر على السهوم
وكـم من واحــدٍ شيـخٌ مشـيـر = إلا ماعميت الدّلّه بصـيـــر
وكـم من واحـدٍ شـيـخٌ مشـيـر = إلا مـا عمـيـت الدّلّه بصـير
وكـــم من واحـد ٍشيـــخ مـــشير = إلا ما عميت الدّله بصير
تـــروه ولا يحـج إلا مطــيق = ولا يمشي طريق إلا سديد
وولد العون لا مقفى ومــات = دعي بنوبه عن أخوانه وفات
إلا منه حصل موته وطاح = فترتج الملازم والمــــــــراح
وظلوا قربته خلفــه قعــود = على غشٍ وعلمٍ مايجود
وربــي لمــّر بعلــمٍ قضــا ه = ولا في ما يريد إلا رضـــاه
وحل في إلبقوع أربع خصال = وراحت في البيوت مع العيال
وكم من واحـدٍ سعره رخيص = قعد قلبه على أخوانه نحيس
وقوم أربع طعش مايرحمون = ولا يسترحمون ويرحـمـون
وعادوا بالنميمة يفزعـــون =على شور الخطا يتعاونون
وماتوا صفة محمد رســول = موزنة المذاهب والعقــول
وعاد إلا المفلــه والـنـذول = ولـو لـفـلفت فيهم ينشعون
وجاهلهم شرد لقـّـا الغـواه = ولا يمزي ويسمع من نهاه
ويالمسلم إذا جتك الوقوت = فلا تطرد على رزقٍ يفوت
ترو من طاوع أشوار النعيل = عن الجنة ونعمـتها يعيل
ولا يـاسـعد مـن ربي هداه = وطاع الله ويمشي في رضاه
إلا منه نشى مسلم صحيح =فحظـه عنـد ربي مـايطـيح
ولا ياويل من ربي غواه = ويقحم في المناكر من عماه
ولا عبّر حياته والمميت = ويا الظالم على ربك جريت
إلا ممسى مجلّس في القبور = وعاد الدود في لحمه نثور
وبو جابـر إلا لاوا البدوع =فلا بدعٍ معا بدعه يجود
بدوعي قاعده تطرى سنين = ومرسى العكز في ثار السّنين
ولا ياسعد من وخر رجال =على مــا وخــر الاول رزام
ومن قومه رجاجيلٍ صلاب = تحاضي في المشورة والجواب
يشل الوعش من روس الجبال = لاوراع الطين يذرى بالسداد
إلا ما قـيل ياولاد الفــلاح = تـرد المعجزات في السمـاح
ولو تاجي على غير الشفوف = يجذون العزايم للضيوف
إلا ما شبت أوقات إلعدام = لضـيفانـه يسـرّع بالـقـدام
بنيت القاف والمبنى يجود = كما حصنٍ يربّع بالحيود
بنيت القاف والمبنى صواب = على ماخطّ في لوح الكتاب
ومن يبني على الحبس الصليب =قعد مبناه للتالي قطيب
ولايا من نشـد عني وســال = فعد مثيل عودٍ في العقال
وغــرتنا الليالي بالـغـرور = وعدت من علينا بالمرور
ترانا ما نغيب عن الرفيق = ولو كثرت غيوضي مانضيق
عضتنا غربٍ عز النبوت = نسب بويه وجـدّانٍ ثـبـوت
ونشنا الشعر من نسبه وخال =كما نوّن يزيد عن المخال
إلا منشى على نجد العريض = وطوف الحز ذا ماله عريض
إلا منشى على نجد العريض =وطوف الحز ذا ماله عريض
إلا منشى على نجد العريض = وطوف الحز ذا ماله عريض
وله سيلٍ يسقي في العطوف = ألا يا ليت مـن كـذب يشوف
يروح الحرث في ثاره سيول = إلا تــالا العشـايـا والعـلـول
إذا مـاجـات غـلاتــه دلـوف = يملّون الــعلا لي والـسقـوف
ألا يـــالله ثبـت مــانـقــول = من أمـثالٍ عـلى قلـبي دقول
تحالا لي كما الدخن الجديد = إلا ما علّه الوسمي يزيــد
تحالا لي كما محض البكار = وترعى من حويّه لا شهار
تحالا لي كما سكّر نـبـات =بواد الهند من زين الـثـبات
تحالا لي كما تمر النخيل = ولا ناشه ذ لـيـلٍ والبخـيـل
من أبياتٍ تلا وي باللحون = إلا ما شويت أوقات المحون
محمد سيـدنا صلوا علـيـه = صلاةٍ تتصل منـــا إليـــــه