هذا الزمن/ يختلف عن ساير الازمنه = ياليل ماباقي الا (كلمتين الوداع )
الليل له زفرته .. والفجرله السنه = واسراب جيش الظلام/ مهدده بالضياع
برد (اخر الليل )عرق القلب ما يامنه = حطبت له من (ضلوع الشوق) مايستطاع
لحظات والهيمنه /كم تغري الهيمنه = الصمت/ والهمس/ واطراف المشاعر جياع
وانتي وانا نستشف العطر من مكمنه = وننثر (مراسم اغانينا) على كل قاع
كل ٍ يغني على ليلاه مايحسنه = كنّ الاغاني مجاديف السهر/ والشراع
همسك احسّه يعيد الشعر ويدوزنه = حتى عيوني لهمسك تحسن الاستماع
ياساريه بالسهر/ والكحل/ والأحصنه = من يحتويني قلق/ لاقالو السر شاع
والكحل ياساريه لو جف من معدنه = دوايره في عيونك زادت الاتساع
هيا خذيني معك لليل في موطنه = انا/ وهمس الستاير/ والحبر / واليراع
يحتاجني الليل كلمه غايره / مزمنه = ويحتاجك الليل حتى تكسرين الشعاع
لأن هذا الزمن / مايشبه الأزمنه = غيبوته قنــّعــّت وجه الاماني قناع
من مستحيله/ تهيا لي غلا ممكنه = ومن ممكنه ضاع (ميعاد المحبين) ضاع
سجنت كل الشوارد/ ماقدرت اسجنه = لكن رسمته /بمرسام الكحل والوداع