( بسم الله الرحمن الرحيم )
أبيات غزل موزونة من إنشائي ، أتمنّى أن تنال على استحسانكم ..
طبعاً أنا تحمسّت بعد تشرّفي بمشاركات الإخوة ، 
وبالأخصّ عمّي الغالي ( عبدالرحيم بن قسقس ) والقديرين ( نايف بن عوضه وعبدالله رمزي )
-------
فديتك يا هوى روحي ويا لبّاك ** أبي وصلك يهلْ من أوّلك لاقصاك
واطفّي بالتلاقي جمرة الأشواق ** وأبي باقي الحياة آعيشها ويّاك
أحبّك في حضورك والعطا والبذل ** واحبّك لا تغلّيتي وعند الثقل
وفي لوعة غيابك يا عريقة أصل ** أحبّك وانتظر قربك ولا أنساك
أحبّك واعشقك يا نبض إحساسي ** وانتي اللين لا صار الزمن قاسي
ودونك أضرب اخماسٍ بأسداسي ** ولا اشوف السعادة غير في لقْياك
والا كانت ظروفي سايرة عكسي ** لقيتك إنتي اقرب مني لْنفسي
معي متواجدة يا حاضري وامسي ** وكم خذتي عن دْروبي ألم واشواك
جروح الروح من غيرك يداويها ** وونّاتي محد غيرك درى فيها
أحاسيسك عجزت اقدر أوافيها ** ولو حطّيت كل العمْر في يمناك
تحبّيني ولو كان الزمن ضدّي ** وبيْدك تمحي الدمْعات من خدّي
وهبتيني هنا وازهار يا ودّي ** وانا وحدي قطفْتك وافهمك واقراك
-------
ودمتم بخير ..