حي الله اللي يواعدني ولاجاني وانا معك ياحبيبي ما اسويها
ادريبك انك تبي قربك وتهواني بس المصيبه وعودك ماتوفيها
لاصرت ماني بالاول ماابي الثاني هذي طباعي ولايمكن اخليها
باقي معك وقت عوض كل حرماني ماراح شي ياحبيبي تونا فيها
اول ياروحي تقول العمر يفداني تقولي كلمه ماكنت تعنيها
هذا جزاتي ومعروفي واحساني امد ورده لكفك وانت ترميها
مدري بقلبك نساني او تناساني بس الاكيد الموده انت ناسيها
اخذت مني احاسيسي ووجداني تشرب من البير وتقط الحجر فيها