سوق الأسهم ما ترك أحداً إلا وسقاه المر مراراً ومن دخله لم يكن أمناً من مكره وتجرع كاس المرارة وليس له إلا الصبر .. مداعبات لمن دخل هذا السوق الذي آكل الأخضر واليابس
قال ابن رمزي عشت بأحلام وأوهام ... لا صرت أنا شاعر ولا صرت رسّام
أسوأ خبر توقيفهم شركة أنعام ... وفي سوق الأسهم ظنتي عندي أعلوم
شريت في الباحة ونادك وبيشه .... وكل يوم نزول والله غشيشه
مثل الغريق اللي تعلق بريشه .... رزقي كتبه الله والرزق مقسوم
واحد يقول إن كنت فاهم وواعي ... عليك يا لصاحب بسهم الجماعي
وإن كان تبغى الصدق خذ بالمراعي ... وشريت به وأصبحت فالليل محموم
وخذت واجد في سمنت اليمامة ... وثلت مالي راح شركة تهامة
المال راح وجت عيوني غمامة ... وأثارني عايش في أوهام وحلوم
فكرتني يا ناس فارس زمانه ... وسار لي قيمة وقدر ومكانه
وقلت يالله رد راسي مكانه ... ما عاد لي فا لسوق مصلوح ولزوم
يا سوق الأسهم أنت سبة دماري ... لا تعذلوني تبت هذا قراري
أنا خرجت برغبتي واختياري ... وراس مالي صرت أنا منه محروم
امشي مع العالم بنية وصدقي ..... وربي حمدته قد تكفل برزقي
لكن مما أشوف قد ضاق خلقي .... تمضي ليالي ما دخل عيني النوم