عدد النقاط : 13
الدجاج المحشي برز مصري بالخلطة وادخله الفرن وبعدين أحمرهـ شوفوا الصورة........... نجي للمقادير : دجاج طبعا حسب العدد أنا سويت 10 حبات فلفل رومي مقطع شرائح كبيرة بصل كمان شرائح كبيرة ومتينة بهارات حسب الرغبة وملح طبعا ليمون وخل أبيض زيت زيتون يرش به الدجاج آخر لمسة صلصة الترياكي لتحمير الدجاج آخر لمسة قبل التقديم الحشوة : كوبين رز مصري مسلوق نص سلقة ومصفي من الماء قوانص دجاج مقطعة نونو بصل وثوم مفرومين خشن ملعقتين سمنة كبيرة بهارات ( قرفة مطحونة , مكعبات ماجي , فلفل أسود ) الطريقة : - يغسل الدجاج وينظف ويبهر استعدادا للحشوة - نحضر الحشوة بتحميس البصل والثوم في السمن ونبهر بالبهارات ونضيف الماجي وبعدها نضيف الرز المسلوق على الحمسة - نحشي الدجاج ونقفلها بعود أسنان صغير عشان لا تتطلع الحشوة - نصفها في الصينية ونرش الزيت ونغطي بالقصدير وندخلها الفرن لمدة ساعتين على نار هادية جدا أنا بصراحة سويتها من الليل ودخلتها الثلاجة وخليتها تمخمخ مع البهارات والليمون والخل عشان كدا تاني يوم طلعت الدجاجات ذايبة مرة وطرية جدا لما نضجت فكيت القصدير ودهنت الوجة بصلصة الترياكي المدخنة وخليتها تتحمر شوية وبس وهذا شكلها بعد ما حطيتها بصحن التقديم وزينتها بشرائح بصل مقلي ومكعبات بطاطا مقلية ورشة بقدونس طبعا لما تنضج تشيلي أعواد الأسنان مو تقديمها لضيوفك بالأعواد خخخخخخخخخخاي وبسسسسسسسسسسسسسس خلصنا وقدمته زي ما شفتوا مع رز أبيض محموس بالمستكة والهيل وسلطة مكرونة وسلطة لبن وسلطة فلفل مطحونة