والله ياأخت أحاسيس عيوني زغللت من الأصفار وعددها ولاعدت أميز المليار هو مئة مليون والا ألف ..من هول مارأيت !!

وكويس إنك ماكتبتي المليار بالشكل هذا 1000000000 كان أحوليت وقفلت جهازي ورحت أنام .. بلكي يجيني في المنام رقم فلكي في حسابي " ماعلينا المهم هل هم سعداء بهذه الأرقام ... ؟؟ الله أعلم
لنا زميل يشتغل في البنك الأهلي شيك على رصيده بالصدفه (الكلام هذا له عشر سنين) على شويه الاف قاعد يحرص عليها يبغى يتزوج بها نزل الوصل الا وبها رقم فلكي والله ماعرف يعده من الصدمه زيدي فوق الوفه سبعة أصفار ..تقريبا ,,ارتبك الادمي وصار يرتعش ولاعرف النوم صح لمدة ثلاثة أيام وهو يشيك صبح مساء والمبلغ المهول في حسابه يقول أقصى أحلامي 100 الف 200الف أما هذا المبلغ طير النوم من عيني ... المهم في وسط أحلامه الورديه يجيه إتصال من وكيل رجل أعمال من القصيم أنه دخل المبلغ في حسابك بالغلط ونتمنى تحول لنا المبلغ على هذا الحساب نفس رقم حسابه مع إختلاف الرقم الأخير ..تم التحويل وبعد أسبوع يجد رقم أكبر من الرقم السابق.. نزل في حسابه يقول ماطار النوم بس الا جن جنوني
رقم فلكي ثاني وأكبر من الاول كمان أش أسوي أخذمنه مبلغ تافه أو أخليه ؟؟ والله ماني عارف ..وش القانون في هذه الحاله لو حولت منه بيحبسوني أو يفصلوني ...الخ
جلس أسبوع على هذا الحال .. قلق توتر وتفكير
الا ويتصل به نفس الرجل ..يعتذر بشده على تكرار الخطأ ويحيه على نزاهته وضميره الحي ومن هذا الكلام .. المهم حول له المبلغ وارتاح
اليوم الثاني يشيك على حساب الشياطين هذا ويلقى مبلغ طيب (ماني متأكد) كم هو نسيت في حدود المعقول .. ماقدر يصبر راح هو وأتصل بالوكيل وهو في قمة الانزعاج والتذمر قال له الوكيل هذه هديه من عمي رجل الاعمال فلان بن فلان نظير أمانتك .. يقول لذه هذا المبلغ اللي ماتعبت فيه مع راحة البال والروقان نستني كل تلك الأرقام الفلكيه .. والشاطر يفهم

الأخت أحاسيس مواضيعك قمة في الروعة والابداع لك الف الف شكر
والسلام عليكم ورحمه الله وبركاته