اختيار متميز يا ابوصالح لشاعرة مبدعة من طيبة الطيبة والتي شاركت في شاعر المليون الجزء الثالث وكانت متميزة في شعرها والقائها
فلك الشكر الجزيل على طرح قصيدتها الرائعة اخت الرجال واسمح لي ان اضيف لها هذهـ القصيدة التي القتها في نفس المسابقة
ولك تحياتي
في مان الله يا أرض القصيد وياسما الشعّا ر=في مان الله يا نجمٍ حبسني الدمع عن شوفه
في مان الله يا حلم بقصيدة تلفت الأنظار=تمايل فوق صفحة نور بالتصفيق مزفوفه
قصيدة صدرها فتنة,قصيدة عجزها إبهار=قصيدة تطلق إحساسك وهي بالوزن مكتوفه
قصيدة يوم يعزفها الألم وعروقك الأوتار=تظن أنك على مسرح ونبضك صار معزوفه
تدق فقلب من ناظر خطاها والمفاتن طار=ترقص كل أطرافه برعشة نفس ملهوفه
قصيدة عقدها معلن بعز وغيرها مسيار=قرينة سعد للإبداع عليه بواو معطوفه
خطبها والمهر وده, كشف لعيونها الأسرار=وسلّمها زمام الشعر يحكم وزنها حروفه
يفز لحرفها الجالس من التقدير والإكبار=قذاة فعين حاسدها ,وكحل عيون مطروفه
في مان الله يا ليلة قمرها ألهم السُمّار =وأنا عن شرفة أحلامي بسلطة عيب موقوفه
في مان الله يا فرصة فقدها الراغب المحتار=يجامل والثمن حريته ,ويقول مخلوفه
يغرد فوق غصني الشعر وان مرّ الهوى به طار=يهاب الشوك في غصن تدلى يتبع قطوفه
يمد الكف ليدين الضيا من خلف ظهر جدار=ويطلب فزعته في درب بالاخطار محفوفه
يمرجح في القصيدة قلب وحبال الخيال قصار=ينادى العاشق اللي له دروب الوصل مرصوفه
نصبت العمر له خيمة في برده والمشاعر نار=وقطع شوقي سواد الليل واقف يفرك كفوفه
يردد يا عسى الغايب يجي مشفوع بالأعذار=يحيي منتظر وصله بجملة غير مألوفه
في امان الله يا قصة غياب الفارس المغوار=فمان الله يا فرحة ويا طرحة وغطروفه