.
*****
يا ناس احبه واحب اسمع سواليفه
كلمات الشاعر سعد الخريجي
يا ناس احبه واحب اسمع سواليفه = صوته يشتت هموم عايش فيها
يامر وينهي وانا دايم على كيفه = أرجي ورود الهوى تنبت بأراضيها
لاغاب عني يعيش الفكر مع طيفه = وان صار عندي حياة الحب الاقيها
مسكين قلب شكا غيبة مواليفه = عزي لعله تعذر من يداويها
ظل ظليل عليَ وغصونه مريفه = شمعة زماني عسى الله ما يطفيها
أن سل من نظرته لأهل الهوى سيفه = يطيح قلبٍ من غصونً نبت فيها
لامن ضحك لي خذت قلبي تواصيفه = ولامن زعل عفت انا الدنيا ومافيها
لجل أن احبه وأحب اسمع سواليفه = صوته يشتت هموم عايش فيها
*****