السلام عليكم ورحمه الله وبركاته
القريــه
القرايـا ساكنتنـا لـو سكنّـا فـي المدينـه
ياكثر مافي المدينـه نـاس تسكنهـا قرايـا
مثل انا لامن شعرت أني بحاجـه للسكينـه
رحت عند القريه اللي قدرهـا بيـن الحنايـا
قريتي واليوم جيتك ساعيا هـزّه حنينـه
للوجيـه وللبيـوت وللسوالـف والحكـايـا
قريتي انــا .. انــا .. انــا مـــاتذكرينـه ؟!
أسألي عني بيوت الحجر ونقـوش الزوايـا
ياسقى الله قبل اسافر عنك يالـدار الثمينـه
يوم انا طفل يشوف عيوب جدرانـك مزايـا
يوم انا طفل ٍ يمر اليـوم ماشـاف الغبينـه
الضحى وسط المدارس والشفق بين المطايا
ياسقى الله يوم كنت الريـح والدنيـا سفينـه
قبل ماالدنيا تكـون الريـح والسفـن البرايـا
يوم ابوي الله يـرحـمه كـان ياخذنـا بيدينـه
يم ذاك المسجد اللي فيه مـن ريحـه بقايـا
ياسقى الله او بلاش ازيد هذا الطيـن طينـه
لي هنا والعمر مابه متسّع لاهـل الرزايـا
قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مـرايـا
القرايا سالفـة اهـل القرايـا فـي المدينـه
والمدينه سالفة اهـل المدينـه فـي القرايـا
وسلامتكم ..
منــقــول