سندريلا
كنا قعادى أنا وأمي نتقهوى قشر وبسكوت ابو قشطه لن جايت جدتي وقالت : معي لكنه قصه
وأسمها <سندرله> كانت ته البنت هيله جهدا ومعها دراهم منقود وماتت أمها وتزوج أبوها واحده قرده يوه ياتياك الخلقه فيها . قاحية ماهلا تتخدم بالضعيفه سندرله. وتتولجها بالمطرق عشان ماتضلي أحسن من بناتها . حسبها الله هي وبناتاها .
وغدت سندرله تتقضى لخالتها مقاضي من الدكان ولنها تلقى ذاك الرجال قال : هاك تعالي يمه أهرجك قالت: والله ان ودي لكن مامعي بصيره آجي مسكن بتخبطني خالتي قال : أوووه؟ قالت مدري عنها بقعا تيه قال : هالاعاد ألزمي ( تالورقه ) آآهي دعوه من الملك عشنه بينكح لولده <شارل> عاد عزب ووده يتلمح فالبنات هم ياخذ أحسنهنه . وعودت ضعيفه ولنها يوم تلهمت و تعدي لاعند خالتها و أورتها الورقه بغت تنشدق خالتها
وأنتفرنه هي و بناتها في غرفهنه وسمينه يتخرجنه ماجوف الدواليب وتلبسن تياك ( ألكرت تخرع )
وسندرله ( قطع الله روحي يانا ) افلحت ( تسوط لهنه وتركب على لحمه معها ) وهنه ماهلا( يتزغدنه ) ويتمارينه قدام الميراه وكل واحده تقول أنا ماشي كمايه ( وسمينه يتعايرنه ) وسندرله ترقبهنه . عفيت . وهنه فوقها أفحمنها هاك. افلحي . عودي . اندري . اطلعي . والله انها لقهرت لكن ماتطيق تهرج من جور بيلحقها و أفلحنه عند الصلح يتساعينه يخرعنه قبيله. وقعدت سندرله تمرع مواعينها لن بديت وحده عليها معها <عصاه> و نطي انتي ياسندرله بغى يغدي عقلها ضعيفه و البستها ذاك المخيط أخضر مقصب محسنه و عصبتها بذاك المعصب الأصفر يشعي فوق هلهول سوادها مذرا . ماشي كماها. و هبت لها غراز و عذق كادي و هبت لها رشرش و حزام و أعطتها تليك أزرق . و لنها عليها ذكر الله وحولت عربيه النثله لعربيه يسوقها كعي
و قالت ميدها ها تحصني و افلحي و عودي الساعه 12 ها إفلحي افلحي ودعت بك ذا خلقك قالت : سندرله ( ابشري) نعمه لا بديت منهم ماعيني أتلهوى يخته
و يوم بدت من ورى الباب لن من فالصاله يوم هلل وكبر من زين و هياله فيها و لن شارل فاغر ما ينوس أبوه يدعيه <ما يشره ضعيف> ( وسموا يلعبون و يقصدون و يسايفون لها ) و يوم ذلت الساعه ١٢ قالت : يوووه ياشارل ياحسفي حسفين خلني أفلح ! و يجتبدها من ثيابها قال :أعقبي ان كان تفلحين ذلحينه مابعد تعشينا أفلحت تسعى من درجان تهول من طول فيها وطيحي ياسندرلا
وانسلتي يازنوبة الهم من رجلها
لن ماعد يمديها تعود تاخذها و شردت
و غدى اشتل حذيانها شارل و أفلح يسعى ( آربه بيلحقها يقطبها ) إلا إنها علينا اسم الله ماعد لها الطاري و صلت البيت الساعه ١٢ خرعت وزفرت ذيك الزفره يسمعونها من أسفل تهامه عودنه خواتها ( يتشاكينه ) من تياك البنت تهول
وجا شارل ( وسرب ) واحد يغدي و يقايس الزنوبه على بنات القرية كلهنه و مابقو و لا بيت وصل عند بيت بقعا خالة سندرله وخواتها جينه خواتها يتداحشنه كل و احده تقول أنا بأتقايس أول شي و سحبت بأذانيهنه أمهنه و قالت : قرينه يا عفاريت عشان يختار هوه وش ذا الغلب أنا عليه منكنه و بغينه يقطعن الحذيان عسب تياك الارجول معهنه . علينا اسم الله و يالله كل واحده و الثانيه كما بقعاء. قال الرجال :أغدوا ادعو ذيك البنت ترقبنا من قبيلي و بدت سندرله و أبت تتقايس الزنوبه و تنصحوا منها و غصبا و اتقايستها / و لنها قاره و قمن عليها بيخبطنها / و ينفر فيهنه الرجال و أستحينه و سكتنه و ذلت تتنافض ضعيفه و افلحت سندرله مع الرجال عند شارل قام شارل من فوق الكرسي و قال :
يانا فدا البدية و من هي بديته . أهو انتي يا محسنك ؟
و هي تنتفض من مزا فيها . و عود أبوه وسوا لهم ذاگ الصلح الفرجه ماشي كماه في غامد و لازهران و أحسن مافي ذاك الصلح خبزه الملة تهول و ذيك المرقه تهني بالهنا و الله و الله يا بنتها إنها تزيد في العمر . و ذلينه خواتها و خالتها يتحببن عليها لكن بعد إيش بعد ماسمسمنها
وته رويتي لكنه والسلام.