كم راح من عمري وانــا ودي اتـــوب...!!!
كــم راح من عـمـري وانــا ودي اتـــوب
ولولا الهوى والنفـس كـان امـس تايـب
عشريـن عـام امنـي النـفـس يــا ايــوب
ليـن اكتشفـت انـي مـع الـوقـت شـايـب
راحــت حيـاتـي بـيــن طـالــب ومـطـلـوب
ولي خاطر(ن) لو طبت ماهوب طايب
واخـاف مـن يــوم بــه الـمـوت مكـتـوب
لا حـولــوا بـــي بـيــن عـــوج الـنـصـايـب
في منزل مظلـم عـن النـاس محجـوب
محـجـوب حـتـى عـــن نسيم الهـبـايـب
وصار الكفن يايوب يغنـي عـن الثـوب
وفــارقـــت ربــعـــي والاهـــــل والــقــرايــب
مــا عــاد فيـهـا جــاه وأمــوال وسـلــوب
ولا عـــاد فـيـهـا حـــب خـشــم وطـلايــب
ولا عـاد حولـي شمـر ولا بـه حــرووب
انـــــا وملائكة الــرضـــاء والـعـقـايــب
خـدعـنــي الـتـسـويـف وأغـرتـنــي دروب
مــــن يــامــن الـدنـيــا وغــــدر الـنـوايــب
يالله يــــا فــــارج عــلــى كــــل مــكــروب
يـــا واحـــدٍ بـامــرك تــهــون الـمـصـايـب
يــا مــن تقـلـب بـيـن اصابـيـعـك قـلــوب
خلـقـتـهـا مــــن بين صــلــب وتــرايـــب
يــا غـافـر لـمــن جـالــك وكـلــه ذنـــوب
عـبــدٍ ضـعـيـف وجــــاك تــايــب ونــايــب
يـا رب لـو قلبـي صـخـر عـنـدك يــذوب
يــامــن لهـيـبـتـك الـجـبــل خـــــر ذايـــــب
اتـــــوب ثـــــم اعـــــود واعـــــود واتــــــوب
مـاهــي عجـيـبـه وانــــت رب العجايب
من المهـد ليـن اللحـد وقتـي محسـوب
مـا ضـاع شـي ومـا بقـى شــي غـايـب
يــارب مـالــي غـيــر رحـمـتـك مـطـلـوب
مـن لـي سـواك ان جـيـت يــارب تـايـب
كــم راح من عـمـري وانــا ودي اتـــوب
ولولا الهواء والنفس كـان امـس تايـب
م / ن