تصب القهوه للضيوف وانت واقف وتمسكها بيدك اليسرى وتقدم الفنجان باليمنى واحيانا يستحسن اضافة فنجان للضيف فربما خجل من طلب المزيد
مسميات القهوه
1- الكيف
2- البن
3- المر
4- البريه
5- الشاذليه
6- الطبخه
اسماء فناجيل القهوه
1- الهيف - يجرب فيه المضيف القهوه قبل صبها
2- الضيف - يقدم فيه القهوه للضيف
3- الكيف - يقدم للضيف وليس مجبر على شربه
4- السيف - غالبا يتركه ولا يحتسيه
5- الفارس - لمن يطلب ثأر
معاميل القهوه
المحماس - النجر - المبرد - الدلال
انواع الدلال
1- الرسلان
2- البغداديه
3- القرشيه
4- الحساويه
.. القهوة العربيه وبعض ماقيل فيها من أبيات شعريه ..
راكان بن فلاح ال حثلين
يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهذا ولـد خـال
وهذا رفيقـاً مالقينـا مثيلـه
ويقول الشاعر محمد بن عبدالعزيز القحطاني وهو يوصي ابنه
يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل
ويقول الشاعر محمد بن شلاح المطيري وهو يوصي ابنه نمر
امل الوجار وخلو الباب مفتوح
خوف المسير يستحي ماينادي
يانمر مافي صكة الباب مصلوح
ولاهي لهلكم يامظنـة فـؤادي
ويقول الشاعر خلف بن هذال العتيبي
سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله
ويقول الشاعر ابن خشم الذيب العجمي
اشرب الفنجال واكب البيالـه
طيبٍ واحـب سلـم الطيبينـي
الولد ان طاب طيبه من خواله
وان تردى فاعرف انهم خايبيني
ويقول الشاعر دغيم الظلماوي من قبيلة شمر
ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي
ويقول الامير راكان بن فلاح ال حثلين اثناء اسره
في تركيا (يصف حالته)
يابوهلا صرنا سوات الدراويش
والكل منا خبزته فـي يمينـه
لا عاد به دله ولا عاد به عيش
ولا عاد به فطحة خروفاً سمينه
ويقول الشاعر الامير محمد بن احمد السديري
يابجاد شب النار وادن الدلالـي
واحمس لنا يابجاد ما يقعد الراس
ويقول الشاعر ناصر بن عبدالكريم من اهل سدير
خمسة عشر فنجال لحنيف صبيت
لو ان بطنـه قربـةً قـد ملاهـا
فرد عليه الشاعر حنيف بن سعيدان المطيري وقال
لا تحسبني من دلالـك تقهويـت
قللت في طبخهـا وكثـرت ماهـا
ياموصي الحرمه على صكت البيت
تقول منتـه فيـه وانتـه وراهـا