تصفح جريدتها وتسرق نظرها لي =وعرفت الذي تقراه داخل جريدتها
كأن النظر ينشد ويسأل عن أحوالي=تعبر عن الحاله على قدر حيلتها
وما دار داخل بالها مر في بالي=تخاف العواذل لا تشكك بطيبتها
دقايق تسبب في عناها وغربالي=عطتني من النظره على قد نيتها
وراحت برحلة شوق والعمر رحالي=خذاها عن الميقاف ميعاد رحلتها
أكيد إن دمع عيوننا بعدها سالي=غشتني دموعي بعد ما شفت دمعتها
محاذير ترمينا على درب الاهوالي=ومن قبل ما تبدا عرفنا نتيجتها
مشقه وغربه ضيعت كل الامالي=ولا به جديد أيامنا ذي طبيعتها
يمر الزمن ويذيقنا المر والحالي =وتبقى لنا الذكرى الى حين رجعتها
ابا اقول كان الوقت بفراقها طالي=عسى الله يتمم لاجل ترجع مسيرتها
ولو ما لفت باسج بالمهمه الخالي=ولا أرجع بلياها لو أغدي ضحيتها