اقتباس:
المشاركة الأصلية كتبت بواسطة علي ابوعلامه
أحياناً
تتمنى أن تعود إلى عالم الطفولة تتمنى أن تعيش أحساس الطفولة الذي
لا يوجد فيها غدر وخيانة
تعيش وتنام وأنت لا تخاف من غد ، وتبكى وتمسح دموعك بيدك وأنت تبتسم .
وتضم أصدقائك إلى قلبك وأنت تضحك معهم .. وتلعب .. وتلعب .. وتلعب
بكل مشاعرك الصادقة و تمسك بيد أصدقائك وأنت تعدهم بأن تكمل اللعبة غدا |
ألا ليت الزمن يرجع ورى
وإلا اليالي تدور
ويرجع وقتنا الأول وننعم في بساطتنا
زمان أول أحس إنه زمان
فيه صدق شعور
نحب ونخلص النيه وتجمعنا
محبتنا
زمن مافيه لاغيبه ولاحتى
كلام زور
ياليته بس لو يرجع ونسترجع طفولتنا
صغار وقلوبنا بيضا تعيش بعالم محصور
ولا نعرف أبد أغراب ماغير عيال حارتنا
صحيح صغار في التفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصه نخبي علبة الطبشور
نشاغب بس في الأخر تميزنا براعتنا
نحب الضحك والبهجة نحب ننط فوق الصور
نفرفش ليه مانفرفش مدام الضحك عادتنا
ولكن دارت الأيام وبان الخافي والمستور
وصار الهم متعلق على قمة سعادتنا
كبرنا وصارت الدنيا تصف احزاننا بالدور
وتهادينا الألم والهم غصب
عن عين رغبتنا
تعبنا من بلاوينا أحد ضايق
وأحد مقهور
وكلن غارق بهمه وبالآخر تشتتنا
وأنا ماقول غير إنه الاليت
الزمان يدور
ويرجع للورى فتره نعدّل وضع عيشتنا