السلام عليكم ورحمة الله وبركاته
يـا ليتنـي خدامـة بيـن أياديك .. من شان أشوفك كل يوم برضـايـا
القصيدة مؤثرة و أحببت أن تقرؤوها معي وهي لأم تشكي حالها بعد أن أهملها ولدها
(الله يهديه) في (دار العجزة) أو كما يقال ( دار النسيان)
والبيت أعلاه يبكي حتى القلب القاسي ..!!
أترككم مع القصيدة :
وين أنت يا حمــدان أمك تناديـــك .. و راك مـا تسمـع شكايـا و ندايــــا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـــــك .. ما شفت زولك زايـر يـا ضنايــــــا
تذكر حياتي يـوم أشيلك وأداريك . . وألاعبك دايـم وتمشـي ورايـــــا
ترقد على صوتي وحضني يدفيــك .. ما غيرك احدٍ ساكن فـي حشـايـا
واليا مرضت اسهر بقربك وأداريك .. ما ذوق طعم النوم صبـح ومسايـا
ياما عطيتك من حنانـي وبعطيــــك .. تكبـر وتكبـر بالأمـل يـا منـــــايـا
لكن خسارة بعتني اليـوم وشفيــك .. وأخلصت للزوجة وأنا لي شـقـايـا
أنا ادري إنها قاسيـه مـا تخليـــــك .. قالت عجـوزك مـا أبيها معــــايـا
خليتني وسط المصحة وأنا ارجيــك .. هذا جزا المعروف وهـذا جـــــزايـا
يـا ليتنـي خدامـة بيـن أياديك .. من شان أشوفك كل يوم برضـايـا
مشكور يا ولدي وتشكر مساعيــك .. وادعـي لـك الله دايـم بالهدايـــــا
حمدان يا حمـدان أمك توصيـــــــك .. أخاف من تلحق تشـوف الوصـــايـا
أوصيت دكتور المصحة بيعطيــــــك .. رسالتـي واحروفهـا مـن بكـــايـا
وان مت لا تبخل علـي بدعاويـــــك .. واطلب لي الغفران وهـذا رجـــايـا
وأمطر تراب القبر بدمــــوع عينيـــــك .. ما عـاد ينفعـك النـدم و النــــعـــــايـا
أتمنى من الجميع من لديه أم و أب على قيد الحياة أن يبر بهما ويحسن إليهما قبل موتهما
اللهم أعنا على البر بوالدينا
الله يجزاك خير يا البارود على هذا الموضوع ويجعلها في ميزان حسناتك
الله يعيننا على البر بهما في حياتهما و بعد موتهما
في ما معنى الحديث الشريف يقول الرسول صلى الله عليه وسلم ( إذا مات ابن آدم انقطع عمله إلا من ثلاث : صدقة جارية ، أو علم يُنتفع به ، أو ولد صالح يدعو له )