ليه تقسى وليه تجفى وليه تعــــشق هالتجافي

ليه كلك وسط كلك لا ضمير ولا شعــور

ليه أحسك دون حِسك ليه قــلبك دوم جـــافي

ليه تكذبْ ثم تكذبْ لين سموك الفـــجور

ليه أحس إنك خليلٍ حــس حسه ماهو صافي

ليه قِلَّة إهتمامك ليه أحسك هب غــيــور

إنت قلبٍ قد تخلا مــن أحاسيس الرهـــافــي

وإنت دربٍ من مشاه يتوه في وسع البحور

إنت قسوه دوم تذهــل كل شياطين الخـلافـي

وإنت وردٍ لو تفتح ثار شوكــه في سـرور

إنت غـادر وأنت طاعـن مالخـيانه ما تعافي

إنت ظلمه دون شمعه وإنت ديجورٍ جبور

لو نويت الحب تذبح وأنت حبك دوم خافي

ولو نويت البعد تجرح قبل بعدك دون شـور

إنت نهج القسوه نهجـك قسوةٍ دون إنعطافي

تستـلـذ بـدمـع خـلك كــل ما دمـعـه يـثــور

إنت أقسى من يشيِّب شعـرطفلٍ كان صافي

يا شعـار القسوه إقسى إنت لينك كـلـه زور

ياعسى قلبك يذوق الغدر لي ماله مشــــافي

لجل تطعم طعم قسوة قلبك الصلف العـسور

بس والله والف والله قبل ما اختم هالقوافي

ودي تعرف إني بكسر قلبك الصخر الحجور

ليه تقسى وليه تجفى وليه تعــــشق هالتجافي

ليه كلك وسط كلك لا ضمير ولا شعور

كلمات : ( الهاجس ) سعــود المصــــعـــبي الامارات العين