أدري انّك في هوى غيري تهـــيم
وادري اني من تبعتك ما هــــنيت

وادري أنّه طارد المقفي غـــشيم
والبلى قلبي خـــــذيته واخـــتفيت

تاهت ادروبك ومشواري ســــقيم
في شقى حالي حبيبي وش بغيت

ردّ قلبي وانتكــف والله كـــــــريم
وان هقيت انّي تناسيتك خطـيت

خلّني في وحشة الليل العـــَــتيم
أطرق ابهوجاس فكري كل بيت

كان حلفي فاد والله العظــــــــيم
لأترك ادروبك ولكــن ما قـويت

ما قويت ابعد وحبّي من قــــديم
شايلاً حبّك بقلبي ما حـــــــــييت

أدري انّك به تهـيم وبك أهــــيم

ماهتنى بك ماهتنيت وما هـنيت

منقول