عدد النقاط : 10
صح لسانك ياابا سامي والكل انكوى بنار الاسهم البيت بعتـه والغنـم والبعاريـن وسكس الغنم مع ددسن الورع بعته ودخلت سوق الفقر أحب الملاييـن وشريت سهمٍ يوم شفتـه عشقتـه سهم المواشي ياملا نـازح البيـن هوشاقني وانا على طـول شقتـه وحلمت حلم إني أسافـر لبرليـن واركب كدالك والعـراوي مقتـه ومشي مع التجار سنه ورمحيـن يحق لـي عالـم كبيـر ودخلتـه الله عرف بالعقل ماشيـف بالعيـن وشلون سوق قمار بكلـي دخلتـه وقال المكيرش شف حلالك نعجتين أبو شنب من دش للسـوق عفتـه جاني الفقر00 وقلت وشفيك ياشين قال الصديق ليـا تذكـرت زرتـه الزوم زام وانتهـض بالجناحيـن ونا حبالي فوق راسـك عصبتـه وصارت حياتي كلها دين في دين أسباب مقلـب إقتصـادي شربتـه وذي قصتي ياناس تصلح دواويـن ماجاكـم إلا ربـع مابـي كتبتـه