اقتباس:
المشاركة الأصلية كتبت بواسطة أحمد بن فيصل
أنا عوّدت أتفكّر في فوائد التمر ولقيت إنها صحيحة مية في المية
وما شي كماها
وجربتها كلها ولله الحمد لقيتها أحسن دوا وأحسن علاج
تصدق يا أبو ياسر من كثر ما ني مقتنع بفوائد التمر
أقنعت النهدي قال بيقفل الصيدليات حقته ويا هب بدالها محلات تمور
يقول مادام هذه الفوائد كلها في التمر ليش نستورد أدوية؟
ويقلون الله العالم إن سليمان فقيه بيقفل مستشفاه يقول ما عد يجيهم مرضان
والسبب التمرة ياكلونها الناس ويشفون وما عد حد يمرض
أرجو إني يكون عدّلت غلطتي وراحت التعبة من صدرك
هيا لا تتولوني بالكفوف واحد ييممني يميني واحد شمال علشان قلنا التمر ما فيه الفوائد هذه كلها
بالعكس يا أخوان التمر مفيد وكله صحة وأنصحكم به لا تأكلون غيره وكل واحد يأخذ له عدلة منه
والا جالوق وياهبه تحت السرير كلما قام وإلا رقد يأخذ منه
هاه ياخال وش رأيك؟ |
سبحان الله فيه ناس ما يجبهم الا الشديد القوي :
اذا قال خالك يا احمد التمر فيه فوايد قل نعم فيه فوايد .
هيا شفت النهدي وسليمان فقيهة كلهم بيعزلون ويفتحون محلات تمر ويحلفون ان حتى عيادات الاطباء ما عاد يوصفون الا التمر لمرضاهم ، ويكتبون بالانقليزي خذ ثلاث حبات تمر قبل الاكل وثلاث بعده ثلاث مرات في اليوم بالانقليزي .
وانصحك نقوم ذلحين تشتري جالوق تمر وتاخذ ميزان سعيد بن شويل الله يرحمه الذي يقسم به الجواليق وتعلقه في مرزح بيتكم واذا كان ما عندك مرزح اشتر مرزح سواة الرجاجيل وعلق الميزان فيه واقسم الجالوق بينك وبين جارك محمد ابو عالي وكلما غلق اشتروا جالوق احسن لكم من الادوية ومن الخراميط .
خلاص رح الله يسامحك تعبتي خفت ولا تزيد تفعل يا نافدى الرجال .