اقتباس:
المشاركة الأصلية كتبت بواسطة ابوفارس
هلا بك يـ ابوصالح ..
وباسلوبك الجميل بالسرد .. وايراد هذه القصص المضحكه
من مفارقات الحضارات ... واختلاف الاطباع
..
لنا زميل كان بامريكا زمان .. يقول :
يوم عيد الاضحى قلنا لازم نضحي 00ذبح ... وباتصالاتنا عرفنا ان فيه مزرعه خارج المدينه تبيع الغنم ورحنا
واشترينا طلي .... ولكن صاحب المزرعه مارضي نذبح عنده ... وشلناه معنا بالسياره
وطبعا هم ساكنين بعماره حوالي ثمان ادوار وكلها شقق امريكان ساكنين ...
وجلسوا يدورون بالشارع والخروف معهم حتى الساعه عشر يقول وقتها تطمنا ان السكان ناموا
وشلناه ودخلناه الشقه وطول الطريق للعماره وبالاسنصير وواحد منا ماسك على فم الخروف عشان الصوت ومغطينه بمنشفه
المهم .. وصلوا الشقه وذبحوا الخروف بالبانيو .. وجلس الخروف يرفس وصار دمه ملطخ جدران الحمام ...
وصلخوه .. نص اللحم بالجلد ... وقطعوا الراس .... واصر واحد منهم الا يشوط الرأس على البوتجاز ....
وشوطه .. ومع الدخان دق جرس الحريق بالمطبخ .... يقول مااخذنا ببالنا وجلسنا نحاول نطفيه ماقدرنا
وقفلنا باب المطبخ وخليناه .....
يقول حوالي ربع ساعه الا والباب يدق بقووووه وضرب على الباب .... يقول فتحنا
الا ويجي عشره من رجال المطافي وكل واحد ماسك لي مويه ... ودفونا ودخلوا زي المجانين
يقول وانحن انبلهنا لاننا نسينا المطبخ والشواط ... ودخلوا المطبخ ولا حصلوا الا شوي دخان والبوتجاز مطفى .... وحطوا ليات المويه ..... وطالعوا فينا
( طبعا جرس انذار الشقه اذا استمر دقيقه ماطفى .. يدق جرس العماره كلها )
الوقت كان متاخر حدود ثلاثه الفجر وبنص الاسبوع ... ودرجة الحراره تحت الصفر وثلوج
قال لنا واحد منهم تعالوا معنا للبلكونه حقتكم يقول لمن خرجنا
الا وسكان العماره كلها ببجايمهم واطفالهم وبملابس النوم واقفين بالشارع ومرتصين ويطالعون فوق ...
يقول اعتذررنا كثير منهم ... وقالوا لنا اذا السكان اشتكوكم .. لازم تروحون المحكمه
وجاوا خارجين المطافي .. ويدخل واحد منهم بيغسل وفتح الحمام الا والدميان بكل مكان والبانيو مليان لحم وكرشه .... يقول ويصرخ
هذيك الصرخه وهو بس صرخ واخوياه كل واحد منهم يمسك واحد منا ... يفكرون اننا قاتلين احد
ودخلنا بمشكله جديده .. وتحقيقات .. وجاء البوليس .. ولمن اقتنعوا انه خروف .. دخلونا بمشكلة انه ممنوع الذبح وان منظر الدم يؤذي الناس ...
المهم استدعتهم اليوم الثاني مديرة السكن وابلغتهم ان الجيران وقعوا ورقه يطلبون منهم المغادره بثلاث ايام
يقول وهي كانت تعزنا وتجينا مرات تحب القهوه العربيه ... وسالتنا وش صار قلنا لها .. عيد
قالت ... بما معناه انتم ماعيدتم انتم جبتم العيد
و بعدها .. دارت معانا على كل الشقق واعتذرنا ... للسكان وكلهم وافقوا نبقى .. وبقينا بالشقه
... طبعا هذا الكلام قبل احداث سبتمبر ... والسعوديين وقتها مدللين ولا احد يزعل منهم
والا الان الاحوال سيئة جدا .... الله يدمر .. اللي كان السبب في مايحصل للسعوديين الان من تفتيش ومضايقات ..
..
|
شرفني مرورك على ما هو موجه لك 0 وكما توقعت انك ستثري طرحي بالممتع من الحكايات 0 واتمنى ممن يتداخل وعنده مثل 0 دلاختي ودلاخة من اشار اليهم ابو فارس ان لا يبخل علينا بها ويا كثر 0 الدلوخ والمد لخين 0 تم بصحه 00