عدد النقاط : 10
م لا تـسـافـــر [IMG]http://shtaat.***********/photo5.jpg[/IMG] لاتسافر قلتها وبقلب صابر قلتها لأني مهدد وأنتظر بعدك مشاكل أنتظرك بخوف قلبـي ورعشه تسكن بالكفوف أنتظرك وماي عيني لمعها مثل السيوف وآتحرق وآتشوق وأتحرى جيتكـ رغم الظروف ياغناتي ياهواي وصافي الود بحياتي ياطفل مولود ساكت لو تغيب أعلن مماتي ! أعرف ان العاطفه كانت سلاحي والعواطف في زمنا للأسف أضعف سلاح أعرف ان العاصفه إنت وجرحي والعواصف والسفر عمق الجراح لاتسافر لاتسافر لاتسافر ماأطن بعدكـ تشرق زهره تعبد صباح لا تسـافـر أنا ماودي تسافر لأن طاري السفر سمي لأنه يالغضي همي وصرت أتنفسه حسرات وصرت أخاف من بعدكـ من أول مرة كلمتكـ عرفت أني ابيع النور واهدي لخافقي آهات وهذا ماكفى فلبي ولكن ضمك بلهفه وسوىّ خطوتك بسمات وأنت اليوم او باكـر تبي تسافر ! ! تبي تخلي الفرح فيني جريح ويكسر الخاطر أنا ماودي تسافر السفر خلىّ المشاعر تنطق بحلو الكتابه والسؤال الصعب دائم تنتحر فيه الأجابه اسالك بالله ياللي تمنح لقلبي عذابه لاتسافر السفر ضيم المودع السفر هم المودع السفر طعم الكآبه السفر خطوة مفارق ضيعت درب بشبابه والسفر ياروح روحي واقف حظي ببابه واعرف ان الحظ ضدي حتى لو صادفني مره ينقلب مرات ضدي وش بلاه بجور يحكم يأخذك لو كنت عندي اطلبك ياحظ مره خلني ابقى معاه ما ابي مرة يفكر في السفر لو هو حياة و السفر ماهو حياة السفر موت و تجني ينكتب فوق الجباه السفر هو في ظل عاشق مات في نشوة صباه و انا عاشق لـّـخطاوي قلبه و عينه عصاه و ما أظن الدنيا تحلى إلا لو أنك معاه لا تسافر ما بعد تشبع عيوني ما بعد أروح ضماي ما بعد يرتاح الخاطر يسكن بعالي سماي لا تسافر السفر ماهو ضروري السفر يلغي شعوري السفر خلاك تبعد حتى في لحظة حضوري ما أبي يا زين تبعد أو تغيب ما أبيك تروح عني كون ياعمري قريب كون جنبي كون حلمي كون حربي كون سلمي كون كل العالم المصلوب في شباك همسي لا تسافر ما أبيك ضيوم لصيف و ما أبيك تكون ضيف ودي يا عمري أعيشك لا تقول الحين كيف ؟!! ترجم الاحساس صرّح قبل ما تنوي تروح لا تخليني معلق بالهوى ثمن تروح !! من عرفتك و الاغاني تعزف الاحزان و تنوح من عرفتك كل همي هو خيالك و الخيال اصبح طموح ورغم هذا ورغم عني اطلبك ما ابي تروح و لا تسافر حتى لو أصبح خيالك بس هو كل الطموح لا تسافر لا تسافر لا تسافر من روائـــع ,,,, مسفـر الدوســري و
.