خواطر من الأخ الفاضل / احمد الثابت ارسلها لي ورديت عليها بخواطر مثلها أملي أن تكون لامست إعجابكم وذوقكم ..
البدع / الثابت
لاغاب قرص الشمس يظهر بعده أصيل
صفره وحمره كلها الواناً جميلة
بي تسرّ الناظرينا
بالله ياشاعر تصغ لي بيت رمزي
واذكر القاصي والأدنا
وانا ترى ما ابغى الطلايب والشرايع
الرد / عبدالله رمزي
تبارك الرحمن ما شاء الله يااصيل
جدك يقل منسبك من بيت الجميلة
بالمدوح انا ظرينا
وابو فهد جدّك وهو من بيت رمزي
يحفظك ربي يا ولدنا
تبقى منار الجود في وسط الشرائع
البدع الثابت
ياقلب حب الذي ترتاح له لا تجامل
وانا ترا بختبر حبك بميزان حساس
يكشف الحب ذا صادق وذا كان كذاب
واذا سألتك عن المحبوب قل بيت رمزي
الرد عبد الله رمزي
أفعالكم كلها وأفعالنا في تجامل
ومن نشدني عن أفعالك نقل له نحا الساس
بيوتكم مثل قرصان العسل وأنت كا لذّاب
اقولها صدق من قلبي ولاني ترى امزي
البدع الثابت
ياصاحبي مبغي النزايع والجدايل
لاتقل لي كيف لمتان
انا ترى ما لوم ذا يزرع في ارضه
لجل ان بعد الزرع يحصد حب صافي
الرد عبد الله رمزي
حسبي عليك الله ياراعي الجدايل
ذا تدلّى فوق الامتان
ياقلب بو سلطان رح للزين وارضه
ولا رضي لازم يعود الحب صافي
البدع /عبدالله رمزي
ما ياخذ ابن ادم يكن ما قد كتب له
لو يكن يطرد 100 عام
واللي كتبه الله لك لازم يجي لك
تبصره قدام عينك
ماحد بياخذ رزق غيره بالغصيبه
الرد / احمد الثابت
اللي يزور المكتبه يشري كتب له
يا تثقف لايكن عام
ويتابع الاحداث في جيله وجيلك
وقلّه ابغي معونتك قدام اعينك
إن كان وافق معك وإلا فلغ صَيْبه
البدع / احمد الثابت
من مات ما الاحباب تبقى ذكرياته
فا القلوب اللي تحبه
مستحيل اتموت ذكراه
تبقى على مرّ الزمن حتى وفاته
لكن بالصبر الجميل اتحل ياقلب
وابتغي مرضات ربك
حتى تعيش العمر وانته في سعاده
الرد / عبدالله رمزي
أي تالي القرآن يبقى بذكر آياته
ما يضيق وينتحب به
ما بيقرا غصب وإكراه
ويراجع الجزء الذي ينسى وفاته
يقلّب الصفحات في يومه ميت قلب
ذاك ما امسى في تربّك
طبعاً ربوه اهله عليه وليس عادة
البدع الثابت
ياصاحبي عمرك ترى مكتوب مكتوب
بي تعيش العمر كله
لكن خطط كيف بي تبغي تعيشه
لاتضيع منه ساعة
محسوب عمرك بالدقايق والثواني
الرد بن رمزي
يقول بو سلطان جاني منك مكتوب
وانا بأمرك مدركاً له
مكتوبك اللي رد قلبي وانتعيشه
كان عايش في لساعة
لو مات قلبي خاف مايرجع ثواني