إرفعي سهم المنايا


إرفعي سهم المنايا يالعيون = مابقى فيني مكان(ن) للطعون
كل شبر(ن) في حياتي إنجرح = و الذي شقّوا خفوقي يشتكون
يا العيون الطاغيه خفّي علي = كبرت اللّي باوّل ايامي تهون
في عيوني دمعتين واقفه = ردّت الايام دمعي بالجفون
بالغَت فيني تباريح الهوَى = وأستبدّت بي المواجيع الظنون
خبّريني يا غرام العاشقين = كيف يستهوي هل العشق المُنُون
إرحمي قلب(ن) تجاريبه قست = في زمان(ن) ماعرف يوم(ن) حنون
اللسان يخون و البسمه كُذُوب = واصدق التعبير نظرات العيون



غريب والله


غـــريـــب والله يـاحـبـيـبــي هـــوانـــا======نـسـتـعـذب الأشـواق...مـانـطـفـي الــشـــوق

شـوقـي وشـوقــك هـايــم(ن) فـــي سـمـانـا=====فــي نـاظـري حـيـره..وفـي نـاظــرك مـــوق

نـطـرد ســراب(ن) فـــي صـحــاري ضـمـانـا======لافــيــه مــيــراد(ن) ...ولا حــاصــل(ن) ذوق

يـــــوم(ن) يـبـعّـدنـا....ويـوم(ن) دعــانـــا======ويــوم(ن) يلّبـسـنـا خـيــال الـهــوى طـــوق

طــيــف(ن) يرّغـبـنـا...وطـيـف(ن) نـهــانــا=====فــوق الـثـرى نمـشـي وحـلـم الـهـوى فـــوق

خيـالـنـا مـــن كـــل نــبــع(ن) سـقـانــا======وأيـامـنــا تــســوق عـبـراتـنـا ســـــوق

مـيـعـادنـا عــنـــد الـتـمـنــي نـســانــا=======وظـروفـنـا تـــزرع عـلــى دربـنــا عـــوق



يا صاحبي


يـاصـاحـبـي هــانـــت عـلــيــك الـمـحـبــه لاوحـسـايــف عــقــب هـــــاك الـمـواثـيــق


جـمـر الـغـضـا فـــي وســـط قـلـبـي تـشـبـه نـــــارٍ حـطـبـهــا يـابــســات الـمـعـالـيـق


كـــــاسٍ مـلـيـتــه بـالــوفــا لاتــكــبــه خـلّــه يـبـلــل بـالـوصــل يــابــس الــريــق


صــبّــه بـقـلـبـي ثــــم مــلّــه وصــبّـــه وان كــــان ودك غــــرق الـقـلــب تـغــريــق


دام الــهــوى راســــي وراســـــك يـهــبــه خـــذ ســجّــةٍ تــــرى زمــانــك تـوافـيــق


تـــرى حـــلاة الـعـمـر مـــع مـــن تـحـبــه شـخــص تـريــده مـــن جـمـيــع المـخـالـيـق



ياسامرين الليل


ياسامرين الليل في بحـر الأشـواق
يا ليتنـي معكـم يلـوح شراعـي
بين القمر والمـوج لمعـه وبـرّاق
والنسمـه العذبـه للغاليـن داعـي
القـرب يالغاليـن للـروح تريـاق
والبعـد ذَبّـاح القلـوب الوجاعـي
لا واعنا اللي باطرف الليل مشتـاق
خلّوه ربعه مـع سـلام الوداعـي
يسهر مع الذكرى على صفر الأوراق
في صفحة(ن) تشرب دموع اليراعي
بين الرجا والياس وقّف على سـاق
والدرب بقلـوب المواليـف ساعـي



ابو ناهل
اختيار موفق لشاعر اكثر من رائع

قتقبل مني تلك الاضافات على موضوعك

فلي عظيم الشرف بان اشاركك موضوعك

تسلم يمناك على الموضوع وتقبل مروري مع عطر ردي